కాచిగూడ, న్యూస్టుడే: హైకోర్టు స్టేపై ముఖ్యమంత్రి ఏం చర్యలు తీసుకుంటారో, ఎలా స్పందిస్తారో చూడాకే రాష్ట్రవ్యాప్తంగా బంద్కు పిలుపునిచ్చుతామని బీసీ సంక్షేమ సంఘం జాతీయ అధ్యక్షుడు, ఎంపీ ఆర్.కృష్ణయ్య తెలిపారు. శుక్రవారం తమ కార్యాచరణను ప్రకటిస్తామన్నారు. గురువారం హైకోర్టు వద్ద ఆయన మాట్లాడుతూ, “‘మండల్ కమిషన్ ఉద్యమం’ తరహాలో ధర్నాలు, రాస్తారోకోలు, ఆందోళనలతో తెలంగాణను స్థంభింపజేస్తాం. బీసీలకు 42% రిజర్వేషన్లపై న్యాయస్థానం స్టే ఇవ్వడం సరిగ్గా కాదు. నోటిఫికేషన్ ఉన్నప్పటికీ, ఎన్నికలను వాయిదా వేయకూడదని సుప్రీంకోర్టు ఆదేశాలున్నా, స్టే విధించి బీసీల హక్కులకు విఘాతం కలిగించారు. అన్ని పిటిషన్లను రెండు రోజులపాటు సమగ్రంగా విచారించాల్సి ఉన్నప్పటికీ, ఎందుకు హడావిడిగా తీర్పు ఇచ్చారు?’ అని కృష్ణయ్య ప్రశ్నించారు. ఆయనతో పాటు బీసీ సంక్షేమ సంఘం జాతీయ కన్వీనర్ గుజ్జ కృష్ణ, నేతలు సత్యం, నీల వెంకటేశ్ తదితరులు ఉన్నారు.
నేడు రాష్ట్రవ్యాప్తంగా నిరసన కార్యక్రమాలు:
జాతీయ బీసీ సంక్షేమ సంఘం అధ్యక్షుడు జాజుల శ్రీనివాస్గౌడ్ వివరించగా, కేంద్ర ప్రభుత్వం రిజర్వేషన్లను తొమ్మిదో షెడ్యూల్లో చేర్చకపోవడంతో న్యాయపరమైన అవరోధాలు వచ్చాయని తెలిపారు. హైకోర్టు స్టేను నిరసిస్తూ శుక్రవారం రాష్ట్రవ్యాప్తంగా నిరసనలు, ఆందోళనలు నిర్వహించనున్నారు. బీసీ, కుల సంఘాలు, మేధావులు, అఖిలపక్ష పార్టీలతో సమావేశం నిర్వహించి భవిష్యత్తు కార్యాచరణను ప్రకటిస్తామన్నారు.
