అయోధ్యలో జరుగుతున్న రామమందిరం నిర్మాణానికి దేశవ్యాప్తంగా ప్రజలు విరివిగా విరాళాలు అందించారు. రామమందిర నిర్మాణ కమిటీ చైర్మన్ నృపేంద్ర మిశ్రా వెల్లడించిన వివరాల ప్రకారం, ఇప్పటి వరకు రూ.3,000 కోట్లకు పైగా విరాళాలు సమీకరించబడ్డాయి.
ఆయన తెలిపిన ప్రకారం, ఆలయ నిర్మాణ ప్రాజెక్టు మొత్తం అంచనా వ్యయం దాదాపు రూ.1,800 కోట్లు కాగా, ఇప్పటి వరకు రూ.1,500 కోట్ల విలువైన బిల్లులు ఇప్పటికే చెల్లించామని తెలిపారు.
దేశ ప్రజల భక్తి, అంకితభావంతో సాగుతున్న ఈ మహత్తర ఆలయ నిర్మాణం త్వరలో పూర్తి స్థాయిలో ముగియనుందని కమిటీ ఆశాభావం వ్యక్తం చేసింది.
భక్తుల భరోసాతో ముందుకు సాగుతున్న అయోధ్య రామమందిరం నిర్మాణం!
