చిరంజీవి–వెంకటేష్‌: చిరు, వెంకీ కలిసి వేసిన ‘హుక్‌ స్టెప్‌’ మిస్‌ అయ్యారా?

ప్రస్తుతం ఒక వీడియో సోషల్‌ మీడియాలో వేగంగా వైరల్‌గా మారుతోంది. నెటిజన్ల నుంచి టాలీవుడ్‌ ప్రముఖుల వరకూ అందరూ ఈ వీడియోను షేర్‌ చేస్తున్నారు. ‘మన శంకరవరప్రసాద్‌ గారు’ ప్రీ రిలీజ్‌ ఈవెంట్‌లో ‘హుక్‌ స్టెప్‌’ పాటకు వెంకటేశ్‌, అనిల్‌ రావిపూడి స్టేజ్‌పై డ్యాన్స్‌ చేయగా.. చిరంజీవి తన కుర్చీలో నుంచే వారితో కలిసి సరదాగా కాలు కదిపారు. ఈ మధుర క్షణాలను విజయ్‌ దేవరకొండ సోషల్‌ మీడియాలో షేర్‌ చేస్తూ, ‘ఇంటర్నెట్‌లో ఇప్పటి వరకు చూసిన క్యూట్‌ వీడియో ఇదే’ అని క్యాప్షన్‌ ఇచ్చారు. అనిల్‌ రావిపూడి దర్శకత్వంలో చిరంజీవి నటించిన ‘మన శంకరవరప్రసాద్‌ గారు’ చిత్రం జనవరి 12న ప్రేక్షకుల ముందుకు రానుంది. ఈ సందర్భంగా హైదరాబాద్‌లో తాజాగా ప్రీ రిలీజ్‌ ఈవెంట్‌ను ఘనంగా నిర్వహించారు.