విశాఖలో గూగుల్ భారీ పెట్టుబడులతో అడుగుపెట్టనుందని, రూ.50 వేల కోట్ల పెట్టుబడితో 1 గిగావాట్ సామర్థ్యంతో డేటా సెంటర్ ఏర్పాటు చేయనున్నట్టు ఏపీ సీఎం చంద్రబాబు తెలిపారు. విశాఖలోని నోవాటెల్లో నిర్వహించిన ఇండియా-యూరప్ బిజినెస్ సమావేశంలో ఆయన పాల్గొని మాట్లాడుతూ, సాంకేతిక రంగంలో కొత్త ఆవిష్కరణలను రాష్ట్రానికి అందిస్తున్నట్లు తెలిపారు. ప్రపంచంలో ఎక్కడికైనా ఐటీలో భారతీయులు కీలకపాత్ర పోషిస్తున్నారని, ఇండియా-యూరప్ మధ్య సన్నిహిత సంబంధాలు ఉన్నాయని గుర్తించారు.
చంద్రబాబు తెలిపారు: ‘‘అమరావతిలో క్వాంటం కంప్యూటింగ్ సెంటర్ త్వరలో అందుబాటులోకి రానుంది. పెట్టుబడుల కోసం వచ్చినవారికి ఏవైనా అవరోధాలు ఉండవు. మౌలిక సదుపాయాల కల్పనలో ఏపీ ముందుంది. గ్రీన్ ఎనర్జీ రంగంలో పెట్టుబడులు వస్తున్నాయి. ‘స్పీడ్ ఆఫ్ డూయింగ్ బిజినెస్’ విధానంలో రాష్ట్రం ముందంజలో ఉంది. పోర్టులు, రైల్వే అనుసంధానాలను కూడా ప్రోత్సహిస్తున్నాం. ఏపీలో నైపుణ్యం ఉన్న యువత అందుబాటులో ఉన్నారు. కొత్త ఆలోచనలతో వినూత్న ఆవిష్కరణలు చేసే సామర్థ్యం వారిలో ఉంది. ఏపీలో పెట్టుబడులు పెట్టండి, అనుమతులలో ఎలాంటి జాప్యం ఉండదు. 45 రోజుల్లో అనుమతులు మంజూరు చేస్తూ ఉత్పత్తికి త్వరితగతిన ప్రోత్సాహం ఇస్తున్నాం.’’
మరియు గ్రీన్ ఎనర్జీ రంగంలో భారత్ 500 గిగావాట్ల విద్యుత్ ఉత్పత్తిని లక్ష్యంగా పెట్టుకుంది. దానికి అనుగుణంగా 160 గిగావాట్ల ఉత్పత్తి కోసం ప్రయత్నిస్తున్నాం. సౌర, పవన, పంప్డ్ ఎనర్జీ రంగాల్లో బలమైన ప్రగతి ఉంది. ఆంధ్రప్రదేశ్లో వివిధ పరిశ్రమలను ప్రోత్సహిస్తున్నాం. డ్రోన్లను పెద్దఎత్తున వినియోగంలోకి తీసుకురావడం, డ్రోన్ సిటీ ఏర్పాటు చేయడం, స్పేస్ సిటీని ఏర్పాటు చేయడం, రవాణా రంగంలో పెద్దఎత్తున పోర్టులు నిర్మించడం వంటి ప్రయత్నాలు జరుగుతున్నాయి’’ అని ఆయన తెలిపారు.
కార్యక్రమంలో భారత్ ఫోర్జ్ వైస్ ఛైర్మన్ అమిత్ కల్యాణి, అనేక కంపెనీల ఛైర్మన్లు, సీఈవోలు, సీఐఐ ప్రతినిధులు పాల్గొన్నారు.
