ఒక్కరికి చెప్పితే.. మిగతా నలుగురి చెవులకూ చేరాల్సిందే!

శ్రీసత్యసాయి జిల్లా బత్తలపల్లి మండలంలోని రాఘవంపల్లి ప్రభుత్వ ప్రాథమిక పాఠశాలలో ప్రస్తుతం ఒక్కరే ఉపాధ్యాయుడు ఉన్నారు. అయితే, ఆ పాఠశాలలో ఐదు తరగతుల్లో కలిపి 13 మంది విద్యార్థులు చదువుతున్నారు — మొదటి తరగతిలో ఇద్దరు, రెండోలో నలుగురు, మూడోలో ఇద్దరు, నాలుగోలో ముగ్గురు, ఐదో తరగతిలో ఇద్దరు. ఈ విద్యార్థులందరికీ ఎస్జీటీ రామమూర్తి ఒక్కరే బోధిస్తున్నారు. వారంతా ఒకే గదిలో చదువుకుంటున్నందున, ఒకటో తరగతి పాఠం చెబితే మిగతా నాలుగు తరగతులవారూ అదే వినాల్సి వస్తోంది. నిబంధనల ప్రకారం 20 మందికి తక్కువ విద్యార్థులు ఉన్న పాఠశాలలో ఒక్క ఉపాధ్యాయుడినే నియమించవచ్చని ఎంఈవో తెలిపారు. అయితే, ఈ పరిస్థితిలో ఐదో తరగతి విద్యార్థులు కూడా ఏడాదంతా ఒకటో తరగతి పాఠాలకే పరిమితమవుతున్నారు.