విజయనగరం: ఉత్తరాంధ్రల ఇలవేల్పు కార్యక్రమంలో భాగంగా, విజయనగరం పైడితల్లి అమ్మవారి సిరిమానోత్సవం మంగళవారం సాయంత్రం 3 గంటలకు ప్రారంభం కానుంది. 5 లక్షలకు పైగా భక్తులు ఈ వేడుకలో పాల్గొనవచ్చని అంచనా వేస్తున్నారు. అందుకే అన్ని ఏర్పాట్లు పూర్తిచేయబడ్డాయి.
ఉదయం దేవాదాయశాఖ మంత్రి ఆనం రామనారాయణరెడ్డి అమ్మవారికి పట్టువస్త్రాలు సమర్పించనున్నారు. తర్వాత హుకుంపేట నుంచి సిరిమాను రథాలు కదలనున్నాయి. సోమవారం తొలేళ్ల సంబరాలు వైభవంగా జరిగాయి. ఆలయ ఆనువంశిక ధర్మకర్త, గోవా గవర్నర్ పూసపాటి అశోక్ గజపతిరాజు కుటుంబ సభ్యులతో కలిసి అమ్మవారిని దర్శించుకుని, పట్టువస్త్రాలు సమర్పించి పూజలు చేశారు. అంతకుముందు కోట నుంచి వేడుకగా సారెను తీసుకెచ్చారు. విజయనగరం ఎంపీ కలిశెట్టి అప్పలనాయుడు, ఎమ్మెల్యే అదితి గజపతిరాజు తదితరులు కూడా ఈ వేడుకలో పాల్గొన్నారు.
