ప్రధాని నరేంద్ర మోదీ (PM Modi) ఉమ్మడి కర్నూలు జిల్లా పర్యటన కోసం శ్రీశైలం బయల్దేరారు. కర్నూలు ఎయిర్పోర్టులో ఆయనను ముఖ్యమంత్రి చంద్రబాబు నాయుడు, డిప్యూటీ సీఎం పవన్ కల్యాణ్ స్వాగతించారు.
తర్వాత, ముగ్గురూ కలిసి ఒకే హెలికాప్టర్లో శ్రీశైలం కోసం బయల్దేరారు. పర్యటనలో ప్రధాని మోదీ, సీఎం చంద్రబాబు, డిప్యూటీ సీఎం పవన్ కల్యాణ్ శ్రీ భ్రమరాంబ మరియు మల్లికార్జున స్వామివారిని దర్శించనున్నారు.
ఈ నేపథ్యంలో శ్రీశైలం పరిసర ప్రాంతాల్లో కట్టుదిట్టమైన భద్రతా ఏర్పాట్లు చేయబడ్డాయి. సున్నిపెంట వద్ద సుమారు 1,500 మంది సిబ్బందితో భద్రతా ఏర్పాట్లను పర్యవేక్షిస్తున్నారు.
