నటీమణి రష్మిక మందన్నా ప్రధాన పాత్రలో నటించిన తాజా చిత్రం ‘ది గర్ల్ఫ్రెండ్’ విడుదలకు సిద్ధమవుతోంది. ఈ సినిమాకు రాహుల్ రవీంద్రన్ దర్శకత్వం వహిస్తుండగా, ధీరజ్ మొగిలినేని మరియు విద్య కొప్పినీడి సంయుక్తంగా నిర్మించారు. ఈ చిత్రాన్ని అల్లు అరవింద్ సమర్పిస్తున్నారు. అలాగే దీక్షిత్ శెట్టి కీలక పాత్రలో కనిపించనున్నారు.
చిత్రీకరణ పూర్తి చేసుకున్న ఈ సినిమా నవంబర్ 7న ప్రేక్షకుల ముందుకు రానుంది. ప్రమోషన్ కార్యక్రమాల భాగంగా రష్మిక ఇటీవల ఎక్స్ (Twitter/X) వేదికపై అభిమానులతో ముచ్చటించారు. అభిమానులు అడిగిన అనేక ఆసక్తికర ప్రశ్నలకు ఆమె సరదాగా, కొన్ని చోట్ల భావోద్వేగంగా సమాధానమిచ్చింది.
ఈ ఇంటరాక్షన్లో ఆమె వ్యక్తిగత విషయాలు, సినిమా షూటింగ్ అనుభవాలు, భవిష్యత్ ప్రాజెక్టులపై కూడా మాట్లాడింది. “పబ్లిక్లో వాళ్ల పేర్లు చెప్పినట్లయితే నన్ను చంపేస్తారు” అనే ఆమె సరదా వ్యాఖ్య సోషల్ మీడియాలో వైరల్గా మారింది.
