ప్రత్తిపాడులో ఓ యువకుడు సైరన్ మోగిస్తూ కారుతో హల్చల్ చేయడం కలకలం రేపింది. ఆర్టీసీ బస్టాండ్ సమీపంలో అతడు నడుపుతున్న కారు యాక్టివాను ఢీకొట్టింది. ఈ ప్రమాదంలో యాక్టివాపై ప్రయాణిస్తున్న యువకుడితో పాటు, అక్కడున్న ఒక చిన్న పిల్లవాడికి గాయాలయ్యాయి.
ప్రమాదం జరిగిన వెంటనే స్థానికులు స్పందించి గాయపడిన వారిని చికిత్స కోసం ఆస్పత్రికి తరలించారు. ఘటనపై సమాచారం అందుకున్న పోలీసులు సంఘటనా స్థలానికి చేరుకుని పరిస్థితిని అదుపులోకి తీసుకున్నారు. ఈ ఘటనకు సంబంధించిన పూర్తి వివరాలపై పోలీసులు విచారణ చేపట్టారు.
