ఇంటి ముంగిటకు రాబోతున్న కారవాన్‌ – పర్యాటకుల కోసం కొత్త సదుపాయం

ఆంధ్రప్రదేశ్‌లో పర్యాటక రంగాన్ని మరింత అభివృద్ధి చేసేందుకు కొత్త ముందడుగు! త్వరలో రాష్ట్రంలో పర్యాటక కారవాన్‌లు ప్రారంభం కానున్నాయి. ముఖ్య ప్రత్యేకత ఏమిటంటే, ఈ వాహనాలు పర్యాటకులను వారు కోరుకునే ప్రాంతాలకు తీసుకెళ్లడానికి వారి ఇళ్ల వద్దకే వస్తాయి.

రాష్ట్ర ప్రభుత్వం 2029 నాటికి 150 కారవాన్‌ వాహనాలు మరియు 25 కారవాన్‌ పార్కుల ఏర్పాట్లను లక్ష్యంగా పెట్టుకుని కార్యాచరణ సిద్ధం చేసుతోంది. వీటిని నిర్వహించే ప్రైవేట్ ఆపరేటర్లకు పలు ప్రోత్సాహకాలు కూడా అందించనుంది. సంబంధిత మార్గదర్శకాలు త్వరలో విడుదల చేయబోతున్నాయి.

పర్యాటక రంగ అభివృద్ధి

రాష్ట్ర ప్రభుత్వం పర్యాటక రంగ అభివృద్ధి కోసం పలు చర్యలు చేపట్టింది:

సాస్కీ పథకం ద్వారా కేంద్ర, రాష్ట్ర ప్రభుత్వాల సంయుక్త నిధులతో రూ.172.35 కోట్లతో గండికోట, అఖండ గోదావరి ప్రాజెక్టుల అభివృద్ధి.
స్వదేశ్ దర్శన్ 2.0లో రూ.127.39 కోట్లతో అరకు, లంబసింగి, సూర్యలంక బీచ్‌లలో వసతుల మెరుగుదల.
అహోబిలం, నాగార్జునసాగర్ ప్రాజెక్టుల అభివృద్ధిను ఛాలెంజ్ బేస్డ్ డెస్టినేషన్ డెవలప్‌మెంట్ లో రూ.49.49 కోట్లతో చేపట్టారు.

ఈ ప్రాజెక్టుల ద్వారా పర్యాటకులను సౌకర్యవంతమైన కారవాన్లలో ప్రత్యేక ప్రాంతాలకు తీసుకెళ్తారు.

కారవాన్ పాలసీ

ప్రారంభ రిజిస్ట్రేషన్‌లో మొదటి 25 వాహనాలకు 100% లైఫ్ టాక్స్ మినహాయింపు (₹3 లక్షల వరకు).
తదుపరి 13 వాహనాలకు 50% మినహాయింపు (₹2 లక్షల వరకు).
మరొక 12 వాహనాలకు 25% మినహాయింపు (₹1 లక్ష వరకు).
ఏడేళ్లపాటు ఎస్‌జీఎస్‌టి తిరిగి చెల్లింపు.

కారవాన్ పార్కులు

కారవాన్ పార్కులు ఏపీటీడీసీ స్థలాల్లో ఏర్పాటు.
ప్రైవేట్ ఆపరేటర్లు ఏడేళ్లపాటు ఎస్‌జీఎస్‌టి తిరిగి చెల్లింపు పొందుతారు.
పార్కుల్లో పర్యాటకులకు వసతి, భోజన సదుపాయం అందుబాటులో ఉంటుంది.
ప్రారంభ దశలో గండికోట, సూర్యలంక బీచ్, అరకు వంటి ప్రాంతాల్లో కారవాన్ పార్కులు ఏర్పాటు చేయడం కొనసాగుతోంది