‘దృశ్యం 3’పై తాజా అప్‌డేట్‌.. విడుదల తేదీ ఎప్పుడంటే?

సినీ అభిమానులు ఆసక్తిగా ఎదురుచూస్తున్న చిత్రాల్లో ‘దృశ్యం 3’ (Drishyam 3) ఒకటి. ఇప్పటికే విడుదలైన రెండు భాగాలు పలు భాషల్లో ఘన విజయాన్ని సాధించడంతో, మూడో భాగంపై భారీ అంచనాలు ఏర్పడ్డాయి. తాజాగా ఈ చిత్ర హిందీ వెర్షన్‌ విడుదల తేదీని మేకర్స్ అధికారికంగా ప్రకటించారు. అజయ్‌ దేవ్‌గణ్‌ ప్రధాన పాత్రలో, అభిషేక్‌ పాఠక్‌ దర్శకత్వంలో రూపొందుతున్న ఈ సినిమా షూటింగ్‌ వేగంగా సాగుతోందని టీమ్ వెల్లడించింది. వచ్చే ఏడాది అక్టోబర్‌ 2న చిత్రాన్ని ప్రేక్షకుల ముందుకు తీసుకురానున్నట్లు వీడియో ద్వారా తెలియజేశారు. మరోవైపు, మలయాళం వెర్షన్‌ షూటింగ్‌ ఇప్పటికే పూర్తయినట్లు సమాచారం. త్వరలోనే ఆ వెర్షన్‌ విడుదల తేదీ కూడా ప్రకటించే అవకాశముంది.