నల్గొండ జిల్లాలోని వేములపల్లి మండలం ఆమనగల్లు గ్రామంలో జరిగిన శ్రీపార్వతీ రామలింగేశ్వర స్వామి కల్యాణోత్సవాల్లో అపశ్రుతి చోటుచేసుకుంది. బుధవారం తెల్లవారుజామున నిర్వహించిన సంప్రదాయ అగ్నిగుండం కార్యక్రమంలో భక్తులు దాటే సమయంలో అనుకోని ప్రమాదం జరిగింది.
భక్తులు అగ్నిగుండం దాటుతున్న సమయంలో ఒక్కసారిగా తోపులాట చోటుచేసుకుంది. దీంతో కొంతమంది భక్తులు సమతుల్యత కోల్పోయి నిప్పుల్లో పడిపోయారు. అక్కడే విధుల్లో ఉన్న పోలీసులు వెంటనే అప్రమత్తమై నిప్పుల్లో పడిన భక్తులను బయటకు తీసి సహాయం చేశారు.
ఈ ఘటనలో సుమారు 10 మందికిపైగా భక్తులకు గాయాలు అయినట్లు సమాచారం. గాయపడిన వారిని పోలీసులు తక్షణమే సమీప ప్రభుత్వ ఆసుపత్రికి తరలించి చికిత్స అందిస్తున్నారు. ప్రస్తుతం వారి ఆరోగ్య పరిస్థితి స్థిరంగా ఉన్నట్లు తెలుస్తోంది.
ఈ ఘటనతో కల్యాణోత్సవాలకు హాజరైన భక్తుల్లో కాసేపు భయాందోళనలు నెలకొన్నాయి. పోలీసులు పరిస్థితిని అదుపులోకి తీసుకుని భక్తులను ప్రశాంతంగా పంపించారు. భవిష్యత్తులో ఇలాంటి కార్యక్రమాల సమయంలో మరింత భద్రతా ఏర్పాట్లు చేయాలని స్థానికులు కోరుతున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
