నెల్లూరు: రమేష్ కుటుంబసభ్యుల అంత్యక్రియల అనంతరం వెళ్తున్న వారిపై విషాదం మరోసారి విరచింది. నెల్లూరు జిల్లా జలదంకి వద్ద టైర్ పంక్చర్ కారణంగా కారు నియంత్రణ కోల్పోయి కల్వర్టును ఢీకొట్టింది. ఈ ప్రమాదంలో ముగ్గురికి తీవ్ర గాయాలు అయ్యాయి.
వివరాల ప్రకారం, వింజమూరు మండలం గోళ్లవారిపల్లి గ్రామానికి చెందిన రమేష్ కుటుంబసభ్యులు కర్నూలు బస్సు ప్రమాదంలో మరణించిన నలుగురు బంధువుల అంత్యక్రియలకు హాజరై, విజయవాడకు తిరిగి వెళ్తుండగా ఈ ఘటన చోటు చేసుకుంది. జలదంకి సమీపంలో కారు టైర్ అకస్మాత్తుగా పగలడంతో డ్రైవర్ నియంత్రణ కోల్పోయాడు. కారు రోడ్డుపక్కనున్న కల్వర్టును బలంగా ఢీకొట్టడంతో ముగ్గురి పరిస్థితి ఆందోళనకరంగా ఉంది.
స్థానికులు వెంటనే గాయపడిన వారిని సమీప ఆసుపత్రికి తరలించారు. పోలీసులు కేసు నమోదు చేసి దర్యాప్తు చేపట్టారు. రమేష్ కుటుంబంపై వరుసగా దుర్ఘటనలు చోటుచేసుకోవడంతో గ్రామంలో విషాద ఛాయలు అలుముకున్నాయి.
