వనపర్తి కలెక్టర్ ఆదర్శ్ సురభి జిల్లాలో బాల్యవివాహాలను అరికట్టే ఆదేశాలు జారీ చేశారు. తల్లిదండ్రులు మరియు వివాహానికి హాజరైన ప్రతి ఒక్కరిపై కేసులు నమోదు చేస్తామని హెచ్చరించారు.
సెప్టెంబర్ 17 నుంచి ప్రారంభమైన పోషణ మాసం కార్యక్రమంలో కలెక్టర్ పాల్గొని, అందరి భాగస్వామ్యంతో చిన్నారుల అక్షరాభ్యాసం, గర్భిణులకు సీమంతం, అన్నప్రాశన వంటి కార్యక్రమాలు నిర్వహించారు.
బాల్యవివాహాలపై ముందస్తు సమాచారం కోసం 1098, 100, 112 నంబర్లను సంప్రదించాలని, సమాచారదాతల పేర్లను గోప్యంగా ఉంచుతామని కలెక్టర్ స్పష్టం చేశారు. ఆర్డీఎస్ స్వచ్ఛంద సంస్థ రూపొందించిన “ఇచ్చట బాల్యవివాహాలు జరగవు” గోడపత్రికను కూడా ఆవిష్కరించారు.
