నెల్లూరు జిల్లా సంగం బ్యారేజీ వద్ద ఇటీవల చోటుచేసుకున్న సంఘటన ఆంధ్రప్రదేశ్ మొత్తం ప్రజలను ఉత్కంఠలో ముంచెత్తింది. మోంతా తుఫాన్ ఉద్ధృతంగా విరుచుకుపడుతుండగా, పెన్నా నదిలో లక్ష క్యూసెక్కుల వరద ప్రవాహం ఉధృతంగా ప్రవహిస్తోంది. ఈ తీవ్ర పరిస్థితుల్లో, 30 టన్నుల బరువున్న ఇసుక బోటు లంగరు తెగిపడి, నేరుగా బ్యారేజీ గేట్ల వైపు దూసుకువెళ్లడం ఒక్కసారిగా అందరినీ ఉలిక్కిపడేలా చేసింది.
ఒకవేళ ఆ బోటు బ్యారేజీకి ఢీకొని ఉంటే, 85 గేట్లతో నిర్మితమైన సంగం బ్యారేజీ ప్రమాదంలో పడేది. దాంతో 3.85 లక్షల ఎకరాల సాగు భూమికి నీటి సరఫరా నిలిచిపోవడమే కాక, వేలాది రైతుల జీవనాధారం ప్రమాదంలో పడేది. అంతేకాదు, పొదలకూరు–సంగం మధ్య రాకపోకలు పూర్తిగా స్తంభించిపోయేవి.
ఈ ప్రమాదకర పరిస్థితిని తెలుసుకున్న వెంటనే, జిల్లా కలెక్టర్ శ్రీ హిమాన్షు శుక్లా మరియు ఎస్పీ డా. అజిత వజ్రేంద్ర, ఐపీఎస్, సంఘటనా స్థలానికి చేరుకొని తక్షణ చర్యలు ప్రారంభించారు. ఎన్డీఆర్ఎఫ్, ఎస్డీఆర్ఎఫ్ బృందాలు, పోలీసు దళాలు, కృష్ణపట్నం పోర్టు గస్తీ బృందం, ఫైర్, ఇరిగేషన్ శాఖ సిబ్బంది.
వారు పెన్నా నదిలో సుడులు తిరిగే ప్రవాహానికి ఎదురు నిలిచి, ప్రాణాలకు తెగించి రెస్క్యూ ఆపరేషన్ నిర్వహించారు. సుమారు 30 టన్నుల బరువున్న ఆ బోటును, గేట్లకు తగిలే ముందే అదుపులోకి తెచ్చి, సురక్షితంగా ఒడ్డుకు చేర్చడంలో అధికారులు, సిబ్బంది అద్భుత ధైర్యం, పట్టుదల ప్రదర్శించారు.
ఈ సమిష్టి కృషి ఫలితంగా ఒక పెద్ద విపత్తు తప్పింది. సంగం బ్యారేజీ కాపాడబడింది. వేలాది ఎకరాల రైతు భూములు రక్షించబడ్డాయి.
సంగం బ్యారేజీ ఈ రోజు నిలకడగా నిలవడం వెనుక—మన యంత్రాంగం చూపిన అప్రమత్తత, అంకితభావం, ప్రాణాలకు తెగించే ధైర్యం నిలిచిపోయే ఉదాహరణ.
సంగం బ్యారేజీ నిలిచింది – రైతుల ఆశలు నిలిచాయి – మన యంత్రాంగం… మన గర్వం!
