ఈరోజు (04-03-2026)
సహచరుల సహాయంతో ముఖ్యమైన పనులను విజయవంతంగా పూర్తి చేస్తారు. పెద్దల ఆశీర్వాదం, సహకారం వల్ల చేపట్టిన పనులు సాఫీగా పూర్తవుతాయి. మీ మనోధైర్యం మిమ్మల్ని ముందుకు నడిపిస్తుంది. శ్రీసుబ్రహ్మణ్యేశ్వర స్వామివారిని పూజించడం శుభఫలితాలను అందిస్తుంది.
ఈవారం (01-03-2026 – 07-03-2026)
పెద్దల ఆశీస్సులు, గురుబలం వల్ల మీరు అనుకున్న పనులన్నీ సకాలంలో పూర్తవుతాయి. ఎప్పుడూ ఏదో ఒక పని చేస్తూ చురుగ్గా ఉండటం వల్ల మీలోని నైపుణ్యం మరింత బలపడుతుంది. పరిస్థితులు కాస్త కఠినంగా అనిపించినా ధైర్యం కోల్పోకుండా, అంతా మన మంచికే అనుకుంటూ ముందుకు సాగండి. అనవసరమైన మాటలకు దూరంగా ఉండి మౌనాన్ని పాటిస్తే చాలా సమస్యలు దానంతట అవే పరిష్కారం అవుతాయి. మీ ధర్మం మిమ్మల్ని కాపాడుతుంది, కాబట్టి ఏ పని చేసినా నీతిగా, నిజాయతీగా చేయడానికి ప్రయత్నించండి. కుటుంబ సభ్యులతో కలిసి తీసుకునే నిర్ణయాలు మీకు మానసిక బలాన్ని, ఇంట్లో సుఖశాంతులను ఇస్తాయి. వృత్తి, వ్యాపారాల్లో అనుభవజ్ఞుల సలహాలు తీసుకోవడం వల్ల లాభసాటి ఫలితాలు అందుకోగలరు.నవగ్రహ స్తోత్రం చదవండి.
