న్యూఢిల్లీ, అక్టోబర్ 14:
విద్యార్థుల ఆత్మహత్యల పెరుగుతున్న ఘటనలపై సుప్రీంకోర్టు ఆందోళన వ్యక్తం చేసింది. ఐఐటీలు, ఐఐఎంలు, ఎన్ఐటీలు, కేంద్ర విశ్వవిద్యాలయాలు వంటి ఉన్నత విద్యాసంస్థలు విద్యార్థుల ఆత్మహత్యలపై జరుగుతున్న సర్వేల్లో తప్పనిసరిగా పాల్గొనాలని స్పష్టం చేసింది.
2018 నుంచి ఇప్పటి వరకు 98 మంది విద్యార్థులు ప్రాణాలు కోల్పోయారని కోర్టు పేర్కొంది. వీరిలో 39 మంది ఐఐటీలు, 25 మంది ఎన్ఐటీలు, 25 మంది కేంద్ర విశ్వవిద్యాలయాలు, నలుగురు ఐఐఎంల విద్యార్థులు ఉన్నారని వివరించింది.
సుప్రీంకోర్టు ఏర్పాటు చేసిన విచారణ కమిటీకి ఈ సంస్థలు సరైన సహకారం అందించకపోవడంపై తీవ్ర అసంతృప్తి వ్యక్తం చేసింది. ఈ నేపథ్యంలో, కేంద్రం మరోసారి అన్ని విద్యాసంస్థలకు సర్క్యులర్లు జారీ చేయాలని ఆదేశించింది. అలాగే, ఇంతకీ స్పందించకపోతే కోర్టు స్వయంగా కఠిన చర్యలు తీసుకుంటుందని హెచ్చరించింది.
