AI ఛాలెంజ్: యువతకు విశేష అవకాశం… నగదు బహుమతులతో ప్రోత్సాహం!
ప్రపంచం ఆర్టిఫిషియల్ ఇంటెలిజెన్స్(AI) వైపు వేగంగా కదులుతున్న ఈ సమయాల్లో, కేంద్ర ప్రభుత్వం విద్యార్థులు, యువతను ప్రోత్సహించడానికి “యువ ఏఐ గ్లోబల్ యూత్ ఛాలెంజ్” (Yuva AI Global Youth Challenge) ను ప్రారంభించింది. ఈ ఛాలెంజ్ ద్వారా ప్రతిభావంతులైన యువతను గుర్తించి, వారికి ఉత్తమ అవకాశాలు కల్పించడానికి ఆసక్తికలిగినవారి నుండి ఆన్లైన్ దరఖాస్తులను స్వీకరిస్తోంది. నిత్య జీవిత సమస్యలకు AI ఆధారిత పరిష్కారాలు ప్రతిపాదించే విద్యార్థులకు నగదు బహుమతులు కూడా అందించనున్నారు.
ఎంపిక విధానం:
ప్రాథమిక ఎంపిక, ప్రాజెక్టు మెరుగుదల, ఇంటర్వ్యూ ద్వారా విజేతలను నిర్ణయిస్తారు. ఫిబ్రవరిలో జరిగే గ్లోబల్ ఏఐ సమ్మిట్లో (Global AI Summit) తమ ఆలోచనలు ప్రదర్శించడానికి అవకాశం దొరుకుతుంది. ఇందులో కృత్రిమ మేధో పరిజ్ఞానం, సృజనాత్మకత, బాధ్యతాయుత వినియోగ ఆలోచనలను ప్రదర్శించవచ్చు. అలాగే, నేషనల్ ఇన్స్టిట్యూట్ ఆఫ్ ఎలక్ట్రానిక్స్ అండ్ ఇన్ఫర్మేషన్ టెక్నాలజీ (దిల్లీ) ఆధ్వర్యంలో నిర్వహించే AI నిపుణుల వర్క్షాప్లో పాల్గొనే అవకాశం కూడా లభిస్తుంది.
అర్హత:
యువ ఏఐ గ్లోబల్ యూత్ ఛాలెంజ్లో 13-21 ఏళ్ల మధ్య వయసు కలిగినవారు, 8వ తరగతి నుంచి ఇంటర్, డిగ్రీ, B.Tech విద్యార్థులు వ్యక్తిగతంగా లేదా టీమ్గా దరఖాస్తు చేసుకోవచ్చు.
దరఖాస్తు విధానం:
ఆసక్తి ఉన్నవారు ఈ నెల 30వ తేదీ రాత్రి 11:59 గంటల వరకు అధికారిక వెబ్సైట్లో https://impact.indiaai.gov.in/events/yuvai దరఖాస్తు చేసుకోవచ్చు.
వికసించాల్సిన అంశాలు:
- ప్రజలు, సంఘాలను శక్తివంతం చేయడం
- ప్రధాన రంగాలను మార్చే ఆలోచనలు
- మౌలిక సదుపాయాలు, స్మార్ట్ పర్యావరణ వ్యవస్థలు
- వైల్డ్కార్డ్, ఓపెన్ ఇన్నోవేషన్
- పై జాబితా వెలుపల కూడా ఏఐ పరిష్కారాలను ప్రతిపాదించవచ్చు
నగదు బహుమతులు:
- ప్రథమ స్థానంలో నిలిచిన 3 బృందాలకు రూ.15 లక్షల బహుమతి
- ద్వితీయ స్థానంలో నిలిచిన 3 బృందాలకు రూ.10 లక్షలు
- ప్రత్యేక బహుమతిగా 2 బృందాలకు రూ.5 లక్షలు ప్రతి బృందానికి
ఈ ఛాలెంజ్ ద్వారా యువతకు నూతన ఆలోచనలు, సృజనాత్మకతను ప్రదర్శించడానికి చక్కటి వేదిక లభిస్తోంది.
