మోపిదేవిలోని శ్రీసుబ్రహ్మణ్యేశ్వర స్వామికి రూ.కోటికిపైగా విలువైన వెండి మండపం బహూకరణ

కృష్ణా జిల్లా మోపిదేవిలోని శ్రీసుబ్రహ్మణ్యేశ్వర స్వామికి ఆర్వీఆర్‌ గ్రూప్‌ ఛైర్మన్‌ రావి వీర రాఘవ చౌదరి మరియు సౌభాగ్యలక్ష్మి దంపతులు రూ.కోటికి పైగా విలువైన వెండి మండపాన్ని బహూకరించారు. రూ.1,01,53,742 విలువ ఉన్న ఈ వెండి మండపానికి ప్రత్యేక పూజలు నిర్వహించారు.తదుపరి కార్యక్రమంలో మంత్రి కొల్లు రవీంద్ర, ఆర్టీసీ ఛైర్మన్ కొనకళ్ల నారాయణ, ఎమ్మెల్యే మండలి బుద్ధ ప్రసాద్‌, స్వచ్ఛాంధ్ర కార్పొరేషన్‌ ఛైర్మన్‌ పట్టాభి సమక్షంలో దేవాదాయశాఖ డిప్యూటీ కమిషనర్‌ దాసరి శ్రీరామవర ప్రసాదరావుకు బహూకరణ అందజేశారు. ఈ వెండి మండపాన్ని స్వామివారి గర్భాలయంలో ఉంచారు. దేవస్థానానికి కోటి పైగా విలువైన బహూకరణ రావడం ఇదే మొదటిసారి అని డిప్యూటీ కమిషనర్‌ పేర్కొన్నారు. రావి వీర రాఘవ చౌదరి దంపతులకు ఆయన కృతజ్ఞతలు తెలిపారు.