గుంటూరులోని అరండల్​పేట ROB పనుల పరిశీలన: వేగవంతం చేయాలని కలెక్టర్ ఆదేశం

గుంటూరు జిల్లా కలెక్టర్ ఎ. తమీమ్ అన్సారియా గారు ఈ రోజు శనివారం ఉదయం (15-11-2025) గుంటూరు నగరంలోని కీలకమైన అరండలపేట వైపు జరుగుతున్న శంకర్ విలాస్ రైల్వే ఓవర్ బ్రిడ్జి (ROB) నిర్మాణ పనులను ఆకస్మికంగా పరిశీలించారు.
ఈ సందర్భంగా కలెక్టర్ గారు అధికారులతో కలిసి ఆర్.ఓ.బి. నిర్మాణ పనుల పురోగతిని క్షేత్రస్థాయిలో అడిగి తెలుసుకున్నారు. పనుల్లో నాణ్యత పాటించాలని, ప్రజలకు ఇబ్బందులు కలగకుండా పనులు వేగవంతం చేయాలని సంబంధిత ఇంజినీరింగ్ మరియు కాంట్రాక్టింగ్ ఏజెన్సీల సిబ్బందిని ఆదేశించారు. ఈ ప్రాజెక్టును నిర్ణీత సమయంలోగా పూర్తి చేయాలని, ఇందుకోసం అవసరమైన అన్ని చర్యలు తీసుకోవాలని ఆయన అధికారులకు సూచించారు.
నగరంలో ట్రాఫిక్ సమస్యను తగ్గించడంలో ఈ ఆర్.ఓ.బి. కీలక పాత్ర పోషిస్తుందని కలెక్టర్ ఈ సందర్భంగా పేర్కొన్నారు.