కొచ్చిన్ షిప్యార్డ్ లిమిటెడ్ (సీఎస్ఎల్), కొచ్చి.. షిప్ డ్రాఫ్ట్స్మెన్ ట్రెయినీ పోస్టుల భర్తీకి నోటిఫికేషన్ విడుదల చేసింది. మెకానికల్, ఎలక్ట్రికల్ విభాగాల్లో మొత్తం 60 పోస్టులు ఉన్నాయి. పదో తరగతితో పాటు సంబంధిత విభాగంలో ఇంజినీరింగ్ డిప్లొమా పూర్తి చేసిన అభ్యర్థులు ఈ ఉద్యోగాలకు దరఖాస్తు చేసుకోవచ్చు.
మొత్తం ఖాళీల్లో షిప్ డ్రాఫ్ట్స్మెన్ ట్రెయినీ (మెకానికల్) పోస్టులు 47, షిప్ డ్రాఫ్ట్స్మెన్ ట్రెయినీ (ఎలక్ట్రికల్) పోస్టులు 13 ఉన్నాయి. ఎంపిక ప్రక్రియలో ధ్రువపత్రాల పరిశీలనతో పాటు ప్రాక్టికల్ టెస్ట్ నిర్వహిస్తారు.
ధ్రువపత్రాల పరిశీలన అనంతరం అర్హులైన అభ్యర్థులను 100 మార్కులకు నిర్వహించే ప్రాక్టికల్ టెస్టుకు ఎంపిక చేస్తారు. కొచ్చిన్ షిప్యార్డ్, కొచ్చిలో ఈ పరీక్ష జరుగుతుంది. సీఏడీ సాఫ్ట్వేర్ను ఉపయోగించి డ్రాయింగ్ రూపొందించాల్సి ఉంటుంది. అన్రిజర్వుడ్, ఈడబ్ల్యూఎస్ అభ్యర్థులు కనీసం 50 శాతం, ఓబీసీ-ఎన్సీఎల్ అభ్యర్థులు 45 శాతం, ఎస్సీ, ఎస్టీ అభ్యర్థులు 40 శాతం మార్కులు సాధిస్తే పరీక్షలో అర్హత పొందినట్లు పరిగణిస్తారు.
ఎంపికైన అభ్యర్థులకు రెండేళ్లపాటు శిక్షణ ఇస్తారు. మొదటి ఏడాది శిక్షణను విజయవంతంగా పూర్తి చేసిన వారినే రెండో ఏడాదికి కొనసాగిస్తారు. వ్యక్తిగత పనితీరు, సంస్థ అవసరాలను అనుసరించి శిక్షణ అనంతరం ఒప్పంద ప్రాతిపదికన ఐదేళ్ల వరకు కొనసాగించే అవకాశం ఉంటుంది.
శిక్షణ కాలంలో మొదటి ఏడాది నెలకు రూ.14,000, రెండో ఏడాది నెలకు రూ.20,000 స్టైపెండ్ చెల్లిస్తారు.
పదో తరగతి ఉత్తీర్ణతతో పాటు కనీసం 60 శాతం మార్కులతో మూడేళ్ల ఇంజినీరింగ్ డిప్లొమా ఉండాలి. మెకానికల్ లేదా ఎలక్ట్రికల్ విభాగంలో డిప్లొమా పూర్తి చేసి ఉండాలి. డ్రాఫ్ట్స్మెన్షిప్, సీఏడీపై నైపుణ్యం అవసరం. బీటెక్, ఎమ్మెస్సీ వంటి ఉన్నత విద్యార్హతలు ఉన్న అభ్యర్థులు ఈ పోస్టులకు అర్హులు కార
అభ్యర్థుల వయసు 25 సంవత్సరాలకు మించకూడదు. ఓబీసీ-ఎన్సీఎల్ అభ్యర్థులకు మూడేళ్లు, ఎస్సీ, ఎస్టీ అభ్యర్థులకు ఐదేళ్ల వయో సడలింపు ఉంటుంది.
