హైదరాబాద్లోని కొండాపూర్లో హైడ్రా (HYDRA) అధికారులు 36 ఎకరాల ప్రభుత్వ భూభాగంలో అక్రమంగా నిర్మించిన నిర్మాణాలను కూల్చివేశారు. ఈ భూమి భిక్షపతి నగర్, ఆర్టీఏ కార్యాలయం పక్కన ఉంది. భారీ పోలీస్ బందోబస్తు మధ్య, కూల్చివేత ప్రాంతానికి ఎవరినీ అనుమతించలేదు. రెండు కిలోమీటర్ల దూరంలో బారికేడ్లు ఏర్పాటు చేసి స్థానికులను అడ్డుకున్నారు.
అక్రమంగా ఆక్రమించిన భూమిపై హైకోర్టు తీర్పు మేరకు హైడ్రా చర్య చేపట్టింది. తాత్కాలిక షెడ్లలో వ్యాపారం చేస్తున్నవారిని ఖాళీ చేయడం జరిగింది. భూభాగం చుట్టూ కంచె వేసి “ప్రభుత్వ భూమి” అని బోర్డులు ఏర్పాటు చేశారు. సర్వే నంబర్ 59లోని ఈ భూముల విలువ రూ. 3,600 కోట్లు ఉంటుందని అధికారులు వెల్లడించారు.
అయితే, కొందరు స్థానికులు 60 ఏళ్లుగా తమ అధీనంలో భూమి ఉందని ఆరోపిస్తున్నారు.
