హెల్మెట్‌ వినియోగంపై వినూత్న అవగాహన కల్పించిన ‘రోడ్డుపై యముడు’ కార్యక్రమం

జాతీయ రహదారి భద్రత వారోత్సవాల సందర్భంగా నంద్యాల జిల్లా డోన్‌లో రవాణా శాఖ అధికారులు, పోలీసులు కలిసి వినూత్న అవగాహన కార్యక్రమాన్ని నిర్వహించారు. యముడు, చిత్రగుప్తుడి వేషధారణలో సందేశాత్మకంగా హైవేపై ప్రయాణిస్తున్న వాహనదారులకు హెల్మెట్‌ మరియు సీట్‌బెల్ట్‌ వినియోగం ఎంత ముఖ్యమో వివరించారు. ఎంవీఐ క్రాంతి కుమార్, పట్టణ సీఐ ఇంతియాజ్ భాషా నేతృత్వంలో ఈ కార్యక్రమం సాగింది. వాహనాల్లో ప్రయాణించే సమయంలో భద్రతా నిబంధనలను తప్పనిసరిగా పాటించాలని అధికారులు సూచించారు.