రష్యా–ఉక్రెయిన్ యుద్ధం మరోసారి తీవ్రరూపం దాల్చుతోంది. చమురు శుద్ధి కర్మాగారాలను లక్ష్యంగా చేసుకుని ఉక్రెయిన్ చేసిన దాడులతో రష్యాలో ఇంధన కొరత ఏర్పడిన నేపథ్యంలో, మాస్కో దళాలు అర్ధరాత్రి ఉక్రెయిన్పై విరుచుకుపడ్డాయి.
కొన్నిగంటలపాటు క్షిపణులు, డ్రోన్ల వర్షం కురిపించడంతో రాజధాని కీవ్లో భారీ పేలుళ్లు చోటుచేసుకున్నాయి. ప్రజలు భయంతో మెట్రో స్టేషన్లు, బంకర్లలో ఆశ్రయం పొందారు. ఈ దాడుల్లో నివాస భవనాలు తీవ్రంగా దెబ్బతిన్నాయి.
రష్యా ఈ దాడుల్లో బాలిస్టిక్, క్రూజ్ క్షిపణులను వినియోగించిందని సమాచారం. నిప్రో నది ఇరువైపులా ఉన్న ప్రాంతాల్లో భారీ నష్టం వాటిల్లినట్లు అధికారులు తెలిపారు. ఇది భయంకరమైన శత్రుదాడి అని ఉక్రెయిన్ ప్రభుత్వం పేర్కొంది.
తాజా దాడుల్లో ఇప్పటివరకు ఒకరు మరణించగా, 11 మంది గాయపడ్డారని వెల్లడించింది. మరోవైపు ఉక్రెయిన్ కూడా గత కొన్ని రోజులుగా రోజుకు వందల డ్రోన్లతో రష్యాపై దాడులు చేస్తోంది. దీంతో రష్యాలో సైనిక, ఇంధన స్థావరాలు లక్ష్యంగా దెబ్బతిన్నాయి.
ఈ పరిణామాల మధ్య రష్యాలో ఇంధన సంక్షోభం తీవ్రమైంది. పెట్రోల్ బంకుల వద్ద ప్రజలు బారులు తీరుతున్నారు. ధరలు పెరగడంతో ప్రభుత్వం రేషన్ పద్ధతిలో ఇంధనం పంపిణీ చేస్తోంది. ఈ కొరతను అధిగమించేందుకు రష్యా భారత్ నుంచి పెట్రోల్ దిగుమతి చేసుకుంటోందని అంతర్జాతీయ మీడియా కథనాలు పేర్కొన్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate MovieNews News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
