హైదరాబాద్ గచ్చిబౌలి పరిసరాల్లో మద్యం మత్తులో ఓ యువకుడు కారుతో సృష్టించిన బీభత్సం కలకలం రేపింది. అమెరికాలో ఎంఎస్ పూర్తి చేసి వచ్చిన 24 ఏళ్ల యువకుడు గుర్రంపాటి తరుణ్ పుట్టినరోజు వేడుకల సందర్భంగా స్నేహితులతో కలిసి మద్యం సేవించి, శనివారం ఉదయం బెంజ్ కారుతో బయటకు వెళ్లి వరుస ప్రమాదాలకు కారణమయ్యాడు.
ఎలా జరిగింది?
నార్సింగి నుంచి కూకట్పల్లి బయలుదేరిన తరుణ్ నానక్రాంగూడ వద్ద ముందుగా ఓ కారును ఢీకొట్టాడు. ఆగకుండా మరో ద్విచక్ర వాహనాన్ని ఢీకొట్టాడు,ఓఆర్ఆర్ మీదుగా గచ్చిబౌలి జంక్షన్ వైపు వేగంగా దూసుకెళ్లాడు.
పోలీసులకు సమాచారం అందడంతో ట్రిపుల్ ఐటీ జంక్షన్ వద్ద ట్రాఫిక్ కానిస్టేబుల్ నర్సింహులు కారు ఆపేందుకు ప్రయత్నించారు. అయితే వేగం తగ్గించకుండా వెళ్లడంతో కానిస్టేబుల్ కారు బానెట్పై పడిపోయారు. దాదాపు 800 మీటర్ల దూరం గోపీచంద్ అకాడమీ వరకు వెళ్లిన తరుణ్ అక్కడ యూటర్న్ తీసుకునే ప్రయత్నం చేశాడు. ఇతర వాహనదారులు అడ్డంగా వాహనాలు నిలపడంతో చివరకు కారు ఆపాల్సి వచ్చింది.
డ్రంకెన్ డ్రైవ్ పరీక్షలో షాకింగ్ రీడింగ్
పోలీసులు అదుపులోకి తీసుకుని పరీక్షించగా ఆల్కహాల్ స్థాయి 160 మిల్లీగ్రాములుగా నమోదైంది. బాధితుల ఫిర్యాదు మేరకు కేసు నమోదు చేసి కోర్టులో హాజరుపర్చగా, న్యాయస్థానం 14 రోజుల రిమాండ్ విధించింది. ఆదివారం సంగారెడ్డి జిల్లా కంది జైలుకు తరలించారు.
కుటుంబ నేపథ్యం
తరుణ్ తండ్రి ఇప్పటికే మరణించగా, తల్లి వైద్యురాలు అని పోలీసులు తెలిపారు.
ఈ ఘటన మద్యం సేవించి వాహనం నడపడం ఎంత ప్రమాదకరమో మరోసారి చాటి చెప్పింది. పోలీసులు ప్రజలకు డ్రంకెన్ డ్రైవ్ చేయవద్దని హెచ్చరిస్తున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
