ఏపీలో సంచలనం రేపిన మద్యం అక్రమ రవాణా కేసులో ఎన్ఫోర్స్మెంట్ డైరెక్టరేట్ (ఈడీ) దర్యాప్తు మరింత వేగం అందుకుంది. ఈ కేసులో అరెస్టైన కీలక నిందితులు రాజ్ కెసిరెడ్డి, దొంతిరెడ్డి వాసుదేవరెడ్డి, కారుమూరి సునీల్కుమార్లను మూడు రోజుల కస్టడీకి అనుమతిస్తూ న్యాయస్థానం ఇచ్చిన ఆదేశాల మేరకు ఈడీ అధికారులు విచారణ చేపట్టారు. గురువారం జరిగిన తొలి రోజు విచారణ ముగిసింది.
చంచల్గూడ జైలులో ఉన్న ముగ్గురు నిందితులను ఉదయం ఈడీ కార్యాలయానికి తీసుకొచ్చిన అధికారులు గంటలపాటు ప్రశ్నించినట్లు సమాచారం. మద్యం రవాణా టెండర్ల ప్రక్రియ, రవాణా ఛార్జీల పెంపు వెనుక ఉన్న కారణాలు, ఆ నిర్ణయాన్ని ఎవరి ఆదేశాల మేరకు అమలు చేశారనే అంశాలపై అధికారులు ఆరా తీసినట్లు తెలుస్తోంది.
అదేవిధంగా రవాణా బాధ్యతలు చేపట్టిన సంస్థల ఎంపిక, వాటితో కుదుర్చుకున్న ఒప్పందాలు, నిధుల లావాదేవీలు, నిర్ణయాల ప్రక్రియలో ఎవరి పాత్ర ఎంత మేర ఉందనే అంశాలపై కూడా ఈడీ అధికారులు ప్రశ్నించినట్లు సమాచారం. కేసుకు సంబంధించిన పలు పత్రాలు, ఆర్థిక లావాదేవీల వివరాలను నిందితుల ముందు ఉంచి వివరణ కోరినట్లు తెలుస్తోంది.
మరో రెండు రోజుల పాటు ఇదే తరహాలో సుదీర్ఘ విచారణ కొనసాగనున్నట్లు సమాచారం. కస్టడీ గడువు ముగిసిన అనంతరం నిందితులను తిరిగి చంచల్గూడ జైలుకు తరలించనున్నారు. ఈ విచారణలో లభించే వివరాల ఆధారంగా మరికొందరికి నోటీసులు జారీ చేసే అవకాశముందని దర్యాప్తు వర్గాల్లో చర్చ జరుగుతోంది. కేసులో ఆర్థిక లావాదేవీలు, నిర్ణయాల వెనుక ఉన్న కీలక వ్యక్తుల పాత్రపై ఈడీ ప్రత్యేకంగా దృష్టి సారించినట్లు తెలుస్తోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
