దేశ రాజధాని దిల్లీ, ఎన్సీఆర్ ప్రాంతాలను సోమవారం భారీ వర్షం ముంచెత్తింది. బలమైన ఈదురుగాలులతో కూడిన వర్షానికి దిల్లీతో పాటు నోయిడా, గాజియాబాద్, గురుగ్రామ్, ఫరీదాబాద్ ప్రాంతాల్లో జనజీవనం స్తంభించింది. పలుచోట్ల రహదారులపై భారీగా నీరు నిలిచిపోవడంతో వాహనాల రాకపోకలకు తీవ్ర అంతరాయం ఏర్పడింది.
భారీ వర్షాల నేపథ్యంలో వాతావరణశాఖ గురుగ్రామ్, ఫరీదాబాద్ జిల్లాలకు ఆరెంజ్ అలర్ట్ జారీ చేసింది. లోతట్టు ప్రాంతాలు జలమయం కాగా.. పలు చోట్ల చెట్లు నేలకొరిగాయి. సోహ్నా రోడ్డులోని ఇస్లాంపూర్ ప్రాంతంలో భారీగా నీరు నిలవడంతో సుమారు 4 కిలోమీటర్ల మేర వాహనాలు నిలిచిపోయాయి. దీంతో కార్యాలయాలు, విద్యాసంస్థలకు వెళ్లే ప్రయాణికులు తీవ్ర ఇబ్బందులు ఎదుర్కొన్నారు.
విమాన సర్వీసులపై ప్రభావం :
భారీ వర్షం, ప్రతికూల వాతావరణ పరిస్థితుల ప్రభావం దిల్లీ విమానాశ్రయంపైనా పడింది. మొత్తం 15 విమానాలను ఇతర విమానాశ్రయాలకు దారి మళ్లించినట్లు అధికారులు వెల్లడించారు. వీటిలో మూడు అంతర్జాతీయ విమానాలు ఉన్నాయి.12 విమానాలను జైపుర్కు, రెండు విమానాలను చండీగఢ్కు, మరో విమానాన్ని లఖ్నవూకు మళ్లించారు. మరోవైపు 250కి పైగా విమాన సర్వీసులు ఆలస్యంగా నడిచినట్లు అధికారులు తెలిపారు.
మరికొన్ని రోజులు వర్షాలు :
దిల్లీ-ఎన్సీఆర్ ప్రాంతంలో రానున్న కొద్ది రోజుల పాటు వర్షాలు కొనసాగే అవకాశం ఉందని భారత వాతావరణశాఖ హెచ్చరించింది. దీతో లోతట్టు ప్రాంతాల ప్రజలు అప్రమత్తంగా ఉండాలని, వాహనదారులు అవసరమైతేనే ప్రయాణాలు చేయాలని అధికారులు సూచిస్తున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
