ఇరాన్పై అమెరికా మరోసారి ఆర్థిక ఆంక్షలను కఠినతరం చేసింది. టెహ్రాన్తో ఆర్థిక సంబంధాలు కొనసాగిస్తూ, నగదు అక్రమ చలామణికి సహకరిస్తున్న దేశాలు, సంస్థలను లక్ష్యంగా చేసుకుంటామని అమెరికా ప్రకటించింది. ఇరాన్కు అంతర్జాతీయ ఆర్థిక వ్యవస్థతో ఉన్న సంబంధాలను తెంచడమే తాజా చర్యల ఉద్దేశమని అమెరికా ఆర్థిక మంత్రి స్కాట్ బెసెంట్ తెలిపారు.
అమెరికా చర్యలపై ఇరాన్ తీవ్రంగా స్పందించింది. ట్రంప్ ప్రభుత్వం విధించిన కొత్త ఆంక్షలను ఎదుర్కొనేందుకు తమ వద్ద రెండేళ్ల ప్రణాళిక సిద్ధంగా ఉందని టెహ్రాన్ ప్రకటించింది. అమెరికా ఒత్తిళ్లను తట్టుకోవడంతో పాటు అవసరమైతే ప్రతీకార చర్యలు తీసుకుంటామని హెచ్చరించింది.
ఇరాన్ పార్లమెంట్ స్పీకర్ గాలిబఫ్ ఈ అంశంపై సామాజిక మాధ్యమం ద్వారా స్పందించారు. ఇతర దేశాలతో ఇరాన్కు ఉన్న ఆర్థిక, వాణిజ్య సంబంధాలను అమెరికా పూర్తిగా తెంచలేదని వ్యాఖ్యానించారు. అమెరికా ఆంక్షలను పట్టించుకోబోమని తమ వాణిజ్య భాగస్వాములు ఇప్పటికే సంకేతాలు ఇచ్చారని తెలిపారు. అమెరికా ఒత్తిళ్లను వారు తీవ్రంగా వ్యతిరేకిస్తారని టెహ్రాన్ విశ్వాసం వ్యక్తం చేసింది.
ఇరాన్ ఆర్థిక మంత్రి అలీ మదానీజాదేహ్ కూడా అమెరికాకు ఘాటుగా బదులిచ్చారు. వాషింగ్టన్ విధించిన కొత్త ఆంక్షలను ఎదుర్కోవడానికి రెండేళ్ల కార్యాచరణ ప్రణాళిక తమ వద్ద ఉందని తెలిపారు. ఇరాన్ ప్రజలు, ప్రభుత్వ సంకల్పాన్ని దెబ్బతీసేందుకు అమెరికా గతంలోనూ అనేక ప్రయత్నాలు చేసిందని, అవన్నీ విఫలమయ్యాయని పేర్కొన్నారు. తాజా చర్యలతోనూ అమెరికాకు మరో ఓటమే ఎదురవుతుందని వ్యాఖ్యానించారు.
ఇరాన్పై అమెరికా విధించిన తాజా ఆంక్షలను ఇజ్రాయెల్ ప్రధాని బెంజమిన్ నెతన్యాహు స్వాగతించారు. ఇరాన్తో పాటు దానికి మద్దతుగా ఉన్న సంస్థలు, వ్యక్తులను లక్ష్యంగా చేసుకోవడం ద్వారా ఆ దేశంపై ఆర్థిక ఒత్తిడి పెంచవచ్చని పేర్కొన్నారు.
సోమవారం అమెరికా ‘ఆపరేషన్ ఎకనామిక్ అవుట్కాస్ట్’ పేరుతో 60 సంస్థలు, వ్యక్తులు, నౌకలపై ఆంక్షలు ప్రకటించింది. ఇరాన్ సైనిక కార్యకలాపాలు, పెట్రోలియం, పెట్రోకెమికల్ వాణిజ్యంతో సంబంధాలు ఉన్నాయన్న ఆరోపణలతో ఈ చర్యలు తీసుకున్నట్లు అమెరికా తెలిపింది.
అమెరికా తాజా ఆంక్షల జాబితాలో భారత్కు చెందిన కొన్ని సంస్థలు, ఒక వ్యక్తి కూడా ఉన్నారు. పోర్టీజ్ పార్ట్నర్స్ ఎల్ఎల్పీ, సదాశివ ఓవర్సీస్ లిమిటెడ్, పీపీ సాఫ్ట్టెక్ ప్రైవేట్ లిమిటెడ్, దాని డైరెక్టర్ ప్రశాంత్ గార్గ్, ప్రకృతీస్ ఇన్ఫ్రా ఇంపెక్స్ ప్రైవేట్ లిమిటెడ్పై ఆంక్షలు విధించినట్లు సమాచారం.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
