అమెరికా-ఇరాన్ మధ్య సుదీర్ఘంగా కొనసాగుతున్న ఘర్షణల వేళ కీలక దౌత్య పరిణామం చోటుచేసుకుంది. ఇరాన్ అధ్యక్షుడు మసూద్ పెజెష్కియాన్, విదేశాంగ మంత్రి అబ్బాస్ అరాఘ్చీతో కూడిన కీలక ప్రతినిధి బృందానికి అమెరికా వీసాలు మంజూరు చేసింది. వచ్చే వారం న్యూయార్క్లో జరగనున్న ఐక్యరాజ్యసమితి 81వ సర్వప్రతినిధి సభ ఉన్నతస్థాయి సమావేశాల్లో ఈ బృందం పాల్గొననుంది.
ఐరాస ప్రధాన కార్యాలయం ఉన్న దేశంగా అమెరికాకు ఉన్న ఆతిథ్య బాధ్యతలకు అనుగుణంగానే ఇరాన్ ప్రతినిధులకు అనుమతి ఇచ్చినట్లు అమెరికా విదేశాంగశాఖ తెలిపింది. అయితే గతేడాదితో పోలిస్తే ఈసారి ఇరాన్ ప్రతినిధి బృందం పరిమిత సంఖ్యలో ఉండనుంది. అమెరికాలో వారి ప్రయాణాలపై ఆంక్షలు కొనసాగడంతో పాటు విలాస వస్తువుల కొనుగోలుపైనా పరిమితులు ఉంటాయి.
మరోవైపు, ఇరాన్తో పోలిస్తే పాలస్తీనా ప్రతినిధుల విషయంలో అమెరికా భిన్న నిర్ణయం తీసుకుంది. పాలస్తీనా అథారిటీ అధ్యక్షుడు మహ్మద్ అబ్బాస్ సహా పలువురు ఉన్నతాధికారులకు అమెరికా వీసాలను నిరాకరించింది. గతేడాది కూడా అబ్బాస్ అమెరికా పర్యటనకు వీసా పొందలేకపోగా, ఈసారి కూడా ఆయన న్యూయార్క్లో ప్రత్యక్షంగా జరిగే యూఎన్జీఏ సమావేశాలకు హాజరుకాలేరు.
వీసా నిరాకరణ నేపథ్యంలో అబ్బాస్ యూఎన్ సర్వప్రతినిధి సభను వీడియో ద్వారా ఉద్దేశించి ప్రసంగించేందుకు ఐరాస జనరల్ అసెంబ్లీ అనుమతించింది. దీనికి 152 దేశాలు అనుకూలంగా ఓటు వేయగా.. మూడు దేశాలు వ్యతిరేకించాయి, మరో నాలుగు దేశాలు ఓటింగ్కు దూరంగా ఉన్నాయి.
ఇదిలా ఉండగా, యూఎన్జీఏ 81వ సమావేశాల్లో అమెరికా-ఇరాన్ ఘర్షణలు, ఉక్రెయిన్-రష్యా యుద్ధం, ఇజ్రాయెల్-పాలస్తీనా అంశాలతో పాటు ప్రపంచ భద్రత, వాతావరణ మార్పులు, కృత్రిమ మేధస్సు వంటి అంతర్జాతీయ అంశాలు చర్చకు రానున్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
