చైనాకు చెందిన ప్రముఖ మొబైల్ తయారీ సంస్థ వివో (Vivo) సబ్ బ్రాండ్ iQOO భారత మార్కెట్లో కొత్త స్మార్ట్ఫోన్ను విడుదల చేసింది. iQOO Z11కు కొనసాగింపుగా iQOO Z11x 5G పేరుతో ఈ ఫోన్ను తీసుకొచ్చింది. శక్తివంతమైన ప్రాసెసర్, భారీ బ్యాటరీతో ఈ స్మార్ట్ఫోన్ను రూపొందించారు.
ఈ ఫోన్లో ఆక్టాకోర్ మీడియాటెక్ డైమెన్సిటీ 7400 ప్రాసెసర్ ఉంది. అలాగే 7,200mAh సామర్థ్యం గల భారీ బ్యాటరీతో పాటు 44W వైర్డ్ ఫాస్ట్ ఛార్జింగ్ సపోర్ట్ అందించారు.
ఫోన్ ఫీచర్లు:
iQOO Z11x 5G ఆండ్రాయిడ్ 16 ఆధారిత OriginOS 6పై పనిచేస్తుంది. ఇందులో 6.76 అంగుళాల LCD డిస్ప్లే ఉంది. డిస్ప్లే 120Hz రిఫ్రెష్ రేట్ మరియు 1,200 నిట్స్ పీక్ బ్రైట్నెస్తో పనిచేస్తుంది. ఫోన్కు IP68 + IP69 రేటింగ్ ఉండటంతో నీరు, ధూళి నుంచి రక్షణ ఉంటుంది.
భద్రత కోసం సైడ్ మౌంటెడ్ ఫింగర్ ప్రింట్ స్కానర్ ఇచ్చారు. ఫోటోగ్రఫీ కోసం 50MP ప్రధాన కెమెరా, 2MP బొకే కెమెరాతో డ్యూయల్ కెమెరా సెటప్ అందించారు. సెల్ఫీల కోసం 32MP ఫ్రంట్ కెమెరా ఉంది. ఫోన్ బరువు 219 గ్రాములు.
ధర వివరాలు:
iQOO Z11x 5G మూడు వేరియంట్లలో అందుబాటులో ఉంటుంది.
- 6GB + 128GB : ₹18,999
- 8GB + 128GB : ₹20,999
- 8GB + 256GB : ₹22,999
అదనంగా Axis Bank మరియు SBI కార్డులతో కొనుగోలు చేస్తే ₹2,000 వరకు డిస్కౌంట్ లభిస్తుంది.
ఈ ఫోన్కు కంపెనీ రెండు సంవత్సరాల OS అప్డేట్స్, నాలుగేళ్ల సెక్యూరిటీ అప్డేట్స్ అందిస్తామని ప్రకటించింది.
మార్చి 16 నుంచి Amazonలో విక్రయాలు ప్రారంభం కానున్నాయి. ఈ స్మార్ట్ఫోన్ Prismatic Green మరియు Titan Blue రంగుల్లో అందుబాటులో ఉంటుంది.
Andhra pradesh Andhrapradesh AndhraPradeshNews APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews



















