మెగా హీరో Varun Tej మరో విభిన్నమైన కథతో ప్రేక్షకుల ముందుకు రాబోతున్నారు. ఆయన టైటిల్ పాత్రలో నటిస్తున్న చిత్రం ‘కొరియన్ కనకరాజు’. ఈ సినిమాకు మేర్లపాక గాంధీ దర్శకత్వం వహిస్తున్నారు. రాజీవ్ రెడ్డి, సాయిబాబు జాగర్లమూడి నిర్మిస్తున్న ఈ చిత్రంలో రితికా నాయక్ కథానాయికగా నటిస్తుండగా.. సత్య కీలక పాత్రలో కనిపించనున్నారు.
ఈ సినిమాను ఆగస్టు 7న విడుదల చేయనున్నట్లు చిత్రబృందం అధికారికంగా ప్రకటించింది. విడుదల తేదీని వెల్లడిస్తూ “కనకరాజు వచ్చేస్తున్నాడమ్మీ..” అంటూ ఓ ప్రత్యేక పోస్టర్ను విడుదల చేశారు. ఈ పోస్టర్లో వరుణ్ తేజ్ మాస్ అవతార్లో కనిపించి ఆకట్టుకున్నారు. ఒక చేతిలో కత్తి, మరో చేతిలో గ్రెనేడ్ పట్టుకుని స్టైలిష్గా కుర్చీలో కూర్చున్న ఆయన లుక్ సినిమాపై ఆసక్తిని పెంచుతోంది.
వినోదంతో కూడిన హారర్ నేపథ్యంలో ఈ చిత్రం రూపొందుతున్నట్లు చిత్రబృందం చెబుతోంది. కథలోని ప్రత్యేకమైన అంశాలు, వరుణ్ తేజ్ పాత్ర చిత్రానికి ప్రధాన ఆకర్షణగా నిలవనున్నాయని సమాచారం. మేర్లపాక గాంధీ తనదైన శైలిలో కామెడీ, థ్రిల్, ఎంటర్టైన్మెంట్ను మేళవించి సినిమాను తెరకెక్కిస్తున్నట్లు తెలుస్తోంది.
ఇక ఈ చిత్రానికి సాంకేతిక బృందం కూడా బలంగా ఉంది. S. Thaman సంగీతం అందిస్తుండగా.. మనోజ్ రెడ్డి కాటసాని ఛాయాగ్రహణ బాధ్యతలు నిర్వహిస్తున్నారు. మాస్ అంశాలతో పాటు హారర్, వినోదం కలగలిపిన ఈ సినిమా ప్రేక్షకులకు కొత్త అనుభూతిని అందిస్తుందని చిత్ర యూనిట్ భావిస్తోంది.
వరుణ్ తేజ్ గత చిత్రాలకు భిన్నంగా కనిపించనున్న ఈ పాత్రపై అభిమానుల్లో ఇప్పటికే ఆసక్తి నెలకొంది. ఆగస్టు 7న థియేటర్లలోకి రానున్న ‘కొరియన్ కనకరాజు’ ఎలాంటి విజయాన్ని అందుకుంటుందో చూడాలి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
