మళ్లీ దూకుడు పెంచిన బంగారం–వెండి ధరలు..

ఇటీవల భారీగా తగ్గిన బంగారం, వెండి ధరలు మళ్లీ ఊపందుకున్నాయి. కొద్ది రోజుల కరెక్షన్‌ అనంతరం ఈ రెండు విలువైన లోహాలు తిరిగి పెరుగుదల బాట పట్టాయి. ముఖ్యంగా ఫ్యూచర్స్ మార్కెట్‌లో వెండి ధరలు దాదాపు ఐదు శాతం వరకు పెరిగి ఇన్వెస్టర్ల దృష్టిని ఆకర్షిస్తున్నాయి.

మల్టీ కమొడిటీ ఎక్స్ఛేంజ్‌ (MCX)లో మార్చి నెల వెండి కాంట్రాక్ట్‌ 4.74 శాతం పెరిగి కిలోకు ₹2,61,745కు చేరింది. ఒక్క రోజులోనే దాదాపు ₹11 వేల మేర పెరుగుదల నమోదు కావడం విశేషం. అదే సమయంలో ఏప్రిల్ కాంట్రాక్ట్‌లో 10 గ్రాముల మేలిమి బంగారం ధర 1.3 శాతం పెరిగి ₹1,57,540 వద్ద ట్రేడవుతోంది. అంటే బంగారం ధరలో సుమారు ₹2 వేల లాభం కనిపించింది.

దేశీయ బులియన్ మార్కెట్‌లో నేటి ధరలు తటస్థంగానే కొనసాగుతున్నాయి. విజయవాడ నగరంలో ప్రస్తుతం 1 గ్రాము 24 క్యారెట్ల బంగారం ధర ₹15,791గా ఉంది. అలాగే 22 క్యారెట్ల బంగారం గ్రాము ధర ₹14,475గా, 18 క్యారెట్ల బంగారం ధర ₹11,844గా నమోదైంది. హైదరాబాద్ నగరంలో కూడా ఇదే ధరలు కొనసాగుతున్నాయి.

వెండి ధరల్లో మాత్రం నిన్నటి రేట్లే కొనసాగుతున్నాయి. హైదరాబాద్, విజయవాడ నగరాల్లో 1 గ్రాము వెండి ధర ₹300గా, కిలో వెండి ధర ₹3,00,000గా ఉంది. ప్రస్తుతం స్థానిక మార్కెట్‌లో వెండిలో ఎలాంటి మార్పు కనిపించడం లేదు.అంతర్జాతీయ మార్కెట్‌లో బంగారం మరో కీలక మైలురాయిని దాటింది. స్పాట్ గోల్డ్ ధర మళ్లీ ఔన్సుకు 5,000 డాలర్ల మార్క్‌ను అధిగమించింది. సోమవారం మధ్యాహ్నం సమయానికి బంగారం ఔన్సు ధర 5,004 డాలర్ల వద్ద ట్రేడవుతుండగా, వెండి ధర ఔన్సుకు సుమారు 81 డాలర్ల వద్ద కొనసాగుతోంది. అంతర్జాతీయ ధరల ప్రభావంతో దేశీయంగా కూడా బంగారం, వెండి ధరలు బలపడ్డాయి. హైదరాబాద్ బులియన్ మార్కెట్‌లో బంగారం ధర దాదాపు ₹1.60 లక్షల వరకు పలుకుతుండగా, వెండి ధర ₹2.70 లక్షల పైనే కొనసాగుతోంది.

Gold Prices (per gram)

24-క్యారెట్ బంగారం: ₹15,791

22-క్యారెట్ బంగారం: ₹14,475

18-క్యారెట్ బంగారం: ₹11,844

ఈ రేట్లు దేశవ్యాప్తంగా చిన్న వ్యత్యాసాలుతో ఉండచ్చు, కొన్ని నగరాల్లో ఎక్కువ లేదా తక్కువగా కనిపిస్తాయి.