ఆసియా మార్కెట్ల ప్రభావం..దేశీయ సూచీలు నష్టాల్లో ప్రారంభం!!

అంతర్జాతీయ పరిణామాలు దేశీయ స్టాక్‌ మార్కెట్లపై ప్రభావం చూపుతున్నాయి. యుద్ధ పరిస్థితులపై కొనసాగుతున్న అనిశ్చితి, అంతర్జాతీయ మార్కెట్లో ముడి చమురు ధరలు పెరుగుతున్న నేపథ్యంలో భారతీయ మార్కెట్లు శుక్రవారం భారీ నష్టాలతో ప్రారంభమయ్యాయి. ప్రపంచ మార్కెట్లలో కనిపిస్తున్న ప్రతికూల సంకేతాలు దేశీయ సూచీలపై కూడా ఒత్తిడిని పెంచాయి.

గురువారం అమెరికా మార్కెట్లు నష్టాల్లో ముగియగా, శుక్రవారం ఉదయం ఆసియా మార్కెట్లు కూడా అదే ధోరణిని కొనసాగించాయి. ఈ ప్రభావంతో దేశీయ సూచీలు ప్రారంభ ట్రేడింగ్‌లోనే బలహీనంగా మారాయి. ప్రారంభ సమయంలో సెన్సెక్స్‌ సుమారు 700 పాయింట్ల వరకు పడిపోగా, నిఫ్టీ 23,500 స్థాయికి దిగువన ట్రేడ్‌ అవుతోంది. ఉదయం 9:35 గంటల సమయంలో సెన్సెక్స్‌ 545 పాయింట్లు తగ్గి 75,484 వద్ద కొనసాగుతుండగా, నిఫ్టీ 180 పాయింట్లు కోల్పోయి 23,458 వద్ద ట్రేడవుతోంది. ఇదే సమయంలో రూపాయి కూడా డాలర్‌తో పోలిస్తే బలహీనపడింది. రూపాయి మారకం విలువ 92.35 వద్ద ప్రారంభమవగా, గత సెషన్‌లో అది 92.19 వద్ద ముగిసింది.

రంగాల వారీగా చూస్తే ఐటీ రంగం బలహీనంగా కనిపిస్తోంది. నిఫ్టీ ఐటీ సూచీ సుమారు ఒక శాతం వరకు పడిపోయింది. లోహ, ఆటో, బ్యాంకింగ్ రంగాల షేర్లు కూడా నష్టాల్లో ట్రేడవుతున్నాయి. అయితే కొంతమంది షేర్లు లాభాల్లో నిలిచాయి. ముఖ్యంగా పవర్ గ్రిడ్ కార్పొరేషన్‌, టాటా కన్జూమర్ ప్రొడక్ట్స్‌, బజాజ్ ఫైనాన్స్‌, ఎన్‌టీపీసీ వంటి షేర్లు లాభాలను నమోదు చేశాయి. మరోవైపు హిందాల్కో, టాటా స్టీల్‌, లార్సెన్ అండ్ టూబ్రో, టెక్ మహీంద్రా, ఇంటర్‌గ్లోబ్ ఏవియేషన్ వంటి షేర్లు నష్టాల్లో కొనసాగుతున్నాయి.

ప్రపంచ ఆర్థిక పరిస్థితులు, ముడి చమురు ధరల మార్పులు, యుద్ధ భయాలు మార్కెట్లపై ఒత్తిడిని పెంచుతున్నాయని విశ్లేషకులు చెబుతున్నారు. పెట్టుబడిదారులు అప్రమత్తంగా వ్యవహరించాలని సూచిస్తున్నారు.