అమరావతి రాజధాని ప్రాంతంలో అమరజీవి పొట్టి శ్రీరాములు గారి 125వ జయంతిని పురస్కరించుకుని నిర్మించిన ‘స్టాచ్యూ ఆఫ్ సాక్రిఫైస్’ ఆవిష్కరణ కార్యక్రమం అత్యంత ఘనంగా జరిగింది. తుళ్ళూరు – పెదపరిమి మధ్య 6.8 ఎకరాల విస్తీర్ణంలో అభివృద్ధి చేసిన స్మృతి వనంలో 58 అడుగుల ఎత్తైన ఈ విగ్రహం తెలుగు జాతి త్యాగస్ఫూర్తిని ప్రతిబింబిస్తోంది. భాషా ప్రయుక్త రాష్ట్రాల సాధన కోసం 58 రోజులపాటు నిరాహార దీక్ష చేసి ప్రాణత్యాగం చేసిన పొట్టి శ్రీరాములు గారి త్యాగాన్ని గుర్తు చేస్తూ ఈ విగ్రహాన్ని నిర్మించారు. ఈ భారీ విగ్రహ నిర్మాణానికి సుమారు 26 టన్నుల కాంస్యం, 42 టన్నుల ఇనుము వినియోగించారు. విగ్రహ పీఠంపై ‘Statue of Sacrifice’ అనే పేరును చెక్కి ఆయన చేసిన అపూర్వ త్యాగాన్ని స్మరించారు. ఈ ప్రదేశాన్ని కేవలం స్మారక చిహ్నంగా మాత్రమే కాకుండా, చరిత్రను తెలియజేసే ప్రేరణాత్మక కేంద్రంగా అభివృద్ధి చేశారు.
విగ్రహంతో పాటు ఇక్కడ స్మృతి వనం, మ్యూజియం, ఆడిటోరియం, లైబ్రరీలను కూడా నిర్మించారు. ఈ మ్యూజియంలో పొట్టి శ్రీరాములు గారి జీవితం, ఆయన పోరాట గాథలు, ఆంధ్ర రాష్ట్ర సాధన చరిత్రను ప్రతిబింబించే పలు చిత్రాలు, వివరాలను ప్రదర్శించారు. భవిష్యత్ తరాలకు ఆయన త్యాగస్ఫూర్తి తెలియజేయాలనే లక్ష్యంతో ఈ స్మారక స్థలాన్ని రూపొందించినట్లు అధికారులు తెలిపారు.ఈ కార్యక్రమంలో రాష్ట్ర మంత్రులు, ప్రజా ప్రతినిధులు, అధికారులు మరియు పొట్టి శ్రీరాములు గారి కుటుంబ సభ్యులు పాల్గొన్నారు. ఈ సందర్భంగా మంత్రి నారా లోకేష్ మాట్లాడుతూ, తెలుగు జాతి ఉన్నంత వరకు అమరజీవి పొట్టి శ్రీరాములు గారి త్యాగం చిరస్థాయిగా గుర్తుండిపోతుందని అన్నారు. తెలుగు ప్రజల ఆత్మగౌరవానికి ప్రతీకగా ఈ ‘స్టాచ్యూ ఆఫ్ సాక్రిఫైస్’ నిలుస్తుందని ఆయన పేర్కొన్నారు.
Andhra pradesh Andhrapradesh AndhraPradeshNews APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndiaNews InternationalNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
