‘టైగర్ కా హుకుం’ అంటూ ముత్తువేల్ పాండియన్ పాత్రలో మరోసారి బాక్సాఫీస్ బరిలో సందడి చేయనున్నారు సూపర్స్టార్ రజనీకాంత్. ‘జైలర్’ సినిమాలో తన పవర్ఫుల్ పాత్రతో ప్రేక్షకులను ఆకట్టుకున్న ఆయన, ఇప్పుడు అదే విజయవంతమైన కథకు కొనసాగింపుగా రూపొందుతున్న ‘జైలర్ 2’తో తిరిగి ప్రేక్షకుల ముందుకు రానున్నారు. నెల్సన్ దిలీప్ కుమార్ దర్శకత్వంలో తెరకెక్కిన ఈ పాన్ ఇండియా చిత్రాన్ని సన్ పిక్చర్స్ సంస్థ భారీ స్థాయిలో నిర్మించింది.
ఈ చిత్రంలో మోహన్లాల్, శివ రాజ్కుమార్ వంటి ప్రముఖ నటులు ప్రత్యేక పాత్రల్లో కనిపించనుండటం సినిమాపై మరింత ఆసక్తిని పెంచుతోంది. ఇప్పటికే చిత్రీకరణ పూర్తయిన ఈ సినిమా ప్రస్తుతం నిర్మాణానంతర పనుల్లో వేగంగా ముందుకు సాగుతోంది. విజువల్స్, యాక్షన్ ఎపిసోడ్స్పై ప్రత్యేక శ్రద్ధ తీసుకుంటున్నట్లు సమాచారం.
వినాయక చవితి సందర్భంగా ఈ సినిమాను సెప్టెంబర్ రెండో వారంలో విడుదల చేయాలనే ప్రణాళికలో చిత్రబృందం ఉంది. ఇందుకోసం రెండు విడుదల తేదీలను పరిశీలిస్తున్నట్లు తెలుస్తోంది. త్వరలోనే అధికారిక రిలీజ్ డేట్ ప్రకటించే అవకాశం ఉందని సినీ వర్గాల్లో చర్చ జరుగుతోంది.
అనిరుధ్ సంగీతం అందిస్తున్న ఈ యాక్షన్ థ్రిల్లర్కు విజయ్ కార్తిక్ కన్నన్ ఛాయాగ్రహణం అందించారు. ‘జైలర్’ విజయానికి కొనసాగింపుగా వస్తున్న ఈ సీక్వెల్పై భారీ అంచనాలు నెలకొన్నాయి.
Andhra pradesh Andhrapradesh APNews BreakingNews Breaking news BusinessNews ChandrababuNaidu CricketNews CrimeNews EntertainmentNews Geopolitics governance Government India IndiaNews LatestNews LawAndOrder MarketUpdate News news24 newsalert NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews Telangana TelanganaNews TeluguCinema TeluguNews Tollywood TrendingNews TrendingNow ViralNews WorldNews
