బ్యాంకింగ్ రంగంలో కెరీర్ నిర్మించుకోవాలనుకునే యువతకు శుభవార్త. దేశంలోని ప్రముఖ ప్రభుత్వ రంగ బ్యాంకులు భారీ సంఖ్యలో అప్రెంటిస్ పోస్టుల భర్తీకి నోటిఫికేషన్లు విడుదల చేశాయి. బ్యాంక్ ఆఫ్ బరోడా 5,000 అప్రెంటిస్ పోస్టులు, స్టేట్ బ్యాంక్ ఆఫ్ ఇండియా 7,500 పోస్టులు, పంజాబ్ అండ్ సింధ్ బ్యాంక్ 635 పోస్టుల భర్తీకి దరఖాస్తులు ఆహ్వానిస్తున్నాయి.
బ్యాంక్ ఆఫ్ బరోడా అప్రెంటిస్ నియామకాల్లో ఎంపికైన అభ్యర్థులకు ఏడాది పాటు నెలకు రూ.15,000 స్టైపెండ్ అందించనున్నారు. ఆన్లైన్ పరీక్ష ద్వారా అభ్యర్థులను ఎంపిక చేస్తారు. ఏపీలో 188, తెలంగాణలో 83 ఖాళీలు ఉన్నాయి. రాష్ట్ర భాషపై అవగాహన ఉండటం తప్పనిసరి.
ఎస్బీఐలో 7,500 అప్రెంటిస్ పోస్టులకు జూలైలో పరీక్ష నిర్వహించనున్నారు. ఏపీలో 709, తెలంగాణలో 491 ఖాళీలు ఉన్నాయి. ఎంపికైన వారికి నెలకు రూ.15,000 స్టైపెండ్ లభిస్తుంది. బ్యాంకింగ్ రంగంలో అనుభవం సంపాదించాలనుకునే వారికి ఇది మంచి అవకాశం.
ఇక పంజాబ్ అండ్ సింధ్ బ్యాంక్ 635 అప్రెంటిస్ పోస్టులకు దరఖాస్తులు కోరుతోంది. ఈ నియామకాల్లో ప్రత్యేకత ఏమిటంటే ఎలాంటి రాత పరీక్ష ఉండదు. ఇంటర్మీడియట్ మార్కుల మెరిట్ ఆధారంగా ఎంపిక చేపడతారు. ఎంపికైన వారికి నెలకు రూ.12,300 స్టైపెండ్ చెల్లిస్తారు.
అప్రెంటిస్గా పని చేసిన వారికి ప్రైవేట్ బ్యాంకులు, బీమా సంస్థలు, ఇతర ఆర్థిక సంస్థల్లో ఉద్యోగ అవకాశాలు మెరుగుపడతాయి. ముఖ్యంగా బ్యాంకింగ్ ఉద్యోగాల కోసం సిద్ధమవుతున్న తాజా గ్రాడ్యుయేట్లకు ఈ అవకాశాలు ఎంతో ఉపయోగపడనున్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
