నోకియా బ్రాండ్పై ఫోన్లను తయారుచేస్తున్న ఫిన్లాండ్కు చెందిన హెచ్ఎండీ (HMD) సంస్థ భారత మార్కెట్లో నాలుగు కొత్త ఫీచర్ ఫోన్లను విడుదల చేసింది. నోకియా 200 4G, నోకియా 210 4G, నోకియా 215 4G (2వ ఎడిషన్), నోకియా 235 4G (2వ ఎడిషన్) పేర్లతో ఈ ఫోన్లను లాంచ్ చేసింది.
ఈ కొత్త ఫీచర్ ఫోన్లలో ప్రత్యేకంగా ఏఐ ఫీచర్లను జోడించడం విశేషం. 1450mAh బ్యాటరీతో పాటు యూఎస్బీ టైప్-సి పోర్ట్ సదుపాయం ఇందులో అందించారు. దీని వల్ల ఛార్జింగ్ మరింత సులభంగా మారనుంది.
నోకియా 200 4G, 210 4G మోడళ్లలో 2.4 అంగుళాల క్యూవీజీఏ డిస్ప్లే ఉండగా, వెనుక భాగంలో 2 మెగాపిక్సెల్ కెమెరా ఉంది. మరోవైపు నోకియా 215 4G (2వ ఎడిషన్), 235 4G (2వ ఎడిషన్) మోడళ్లలో 2.8 అంగుళాల క్యూవీజీఏ ఐపీఎస్ డిస్ప్లే అందించారు.
ఈ ఫోన్లు HMD ఎస్30+ ఆపరేటింగ్ సిస్టమ్పై పనిచేస్తాయి. బ్లూటూత్ 5.0, ఎఫ్ఎం రేడియో వంటి కనెక్టివిటీ ఫీచర్లు ఉన్నాయి. అలాగే AI బటన్ను ప్రత్యేకంగా అందించారు.
ఎక్స్ప్రెస్ చాట్ యాప్ ద్వారా వీడియో కాల్స్ చేసుకోవచ్చు. ముఖ్యంగా Sikey AI అసిస్టెంట్ ద్వారా వాయిస్ కమాండ్స్తో ఫ్లాష్లైట్ ఆన్ చేయడం, కెమెరా ఓపెన్ చేయడం, రిమైండర్లు సెట్ చేయడం, కాల్స్ చేయడం వంటి పనులు చేయవచ్చు.
అదనంగా క్లౌడ్ ఫోన్ సర్వీస్ ఆప్షన్ కూడా అందించారు, దీంతో స్టోరేజీ వాడకుండానే కొన్ని సేవలు పొందవచ్చు. అయితే ఈ ఫోన్ల ధరలు, విక్రయాల తేదీలను కంపెనీ ఇంకా అధికారికంగా ప్రకటించలేదు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EntertainmentNews Geopolitics Government India IndianCinema IndiaNews InternationalNews LatestNews LawAndOrder MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
