చైనాలోని ఆర్డోస్లో నిర్వహించిన తొలి ఆసియా అండర్-23 అథ్లెటిక్స్ చాంపియన్షిప్-2026లో తెలంగాణకు చెందిన నారిమళ్ల ప్రవళిక అద్భుత ప్రతిభ కనబరిచారు. మహిళల 4×400 మీటర్ల రిలే పరుగులో స్వర్ణ పతకం సాధించి దేశంతో పాటు రాష్ట్రానికి గర్వకారణంగా నిలిచారు. ఈ ఘనత సాధించిన ప్రవళికను ముఖ్యమంత్రి రేవంత్రెడ్డి అభినందించారు.
తెలంగాణ బిడ్డగా ప్రవళిక అంతర్జాతీయ స్థాయిలో సత్తా చాటడం అభినందనీయమని సీఎం పేర్కొన్నారు. కష్టపడి సాధన చేస్తే గ్రామీణ ప్రాంతాల నుంచి కూడా అంతర్జాతీయ క్రీడా వేదికలపై విజయాలు సాధించవచ్చని ప్రవళిక నిరూపించారని కొనియాడారు.
నల్గొండలోని ఎస్సీ గురుకుల డిగ్రీ కళాశాలలో విద్యాభ్యాసం కొనసాగిస్తూ, డిండి స్పోర్ట్స్ అకాడమీలో శిక్షణ పొందిన ప్రవళిక అంచెలంచెలుగా ఎదిగి ఈ స్థాయికి చేరుకున్నారని తెలిపారు. ఆమె కృషి, పట్టుదల యువ క్రీడాకారులకు ఆదర్శంగా నిలుస్తుందని సీఎం అన్నారు.
అంతర్జాతీయ స్థాయిలో గుర్తింపు పొందకముందే ప్రవళిక పలు క్రీడా పోటీల్లో విశేష విజయాలు సాధించారు. వివిధ వేదికల్లో 23 స్వర్ణ పతకాలతో పాటు మొత్తం 35 రాష్ట్రస్థాయి పతకాలను సాధించి తన ప్రతిభను చాటుకున్నారు. ఈ విజయాలు ఆమె క్రీడా ప్రస్థానంలో ప్రత్యేక గుర్తింపును తీసుకొచ్చాయని సీఎం ప్రశంసించారు.
ప్రవళికకు భవిష్యత్లో మరిన్ని విజయాలు సాధించాలని సీఎం రేవంత్రెడ్డి ఆకాంక్షించారు. అంతర్జాతీయ పోటీల్లో తెలంగాణ క్రీడాకారులు రాణించేందుకు ప్రభుత్వం ప్రోత్సాహం అందిస్తుందని తెలిపారు.
ప్రవళిక స్వర్ణ పతకం సాధించడంతో నల్గొండ జిల్లా, డిండి స్పోర్ట్స్ అకాడమీ, తెలంగాణ క్రీడా వర్గాల్లో ఆనందం వ్యక్తమవుతోంది. ఆమె విజయాన్ని పలువురు క్రీడాకారులు, అధికారులు అభినందిస్తూ భవిష్యత్లో మరిన్ని ఉన్నత శిఖరాలను అధిరోహించాలని ఆకాంక్షించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
