జింబాబ్వేలో ఘోర పడవ ప్రమాదం చోటుచేసుకుంది. కరీబా సరస్సులో ప్రయాణికులతో వెళ్తున్న పడవ బోల్తాపడటంతో కనీసం 15 మంది మృతి చెందగా.. మరో 27 మంది గల్లంతయ్యారు. ప్రమాదం జరిగిన వెంటనే అధికారులు సహాయక చర్యలు చేపట్టారు.
అధికారుల వివరాల ప్రకారం.. ప్రమాద సమయంలో పడవలో టికెట్లు తీసుకున్న 114 మంది పెద్దలు, ఐదుగురు సిబ్బంది ఉన్నారు. టికెట్ అవసరం లేని వయసులో ఉన్న చిన్నారులు కూడా పడవలో ఉండి ఉండొచ్చని అధికారులు భావిస్తున్నారు. దీంతో మృతులు, గల్లంతైన వారి సంఖ్యపై ఇంకా స్పష్టత రావాల్సి ఉంది.
ప్రమాదం అనంతరం 77 మంది ప్రయాణికులు ప్రాణాలతో బయటపడి సరస్సులోని ఓ చిన్న ద్వీపానికి చేరుకున్నారు. వారిని సురక్షిత ప్రాంతానికి తరలించేందుకు పడవలను రంగంలోకి దించడంతో పాటు గాలింపు చర్యల కోసం ప్రత్యేక బృందాలు, హెలికాప్టర్లను ఉపయోగిస్తున్నారు.
ఈ పడవ సామర్థ్యం 90 మంది మాత్రమేనని అధికారులు తెలిపారు. అయితే అంతకుమించి ప్రయాణికులు ఎక్కించుకోవడం ప్రమాదానికి కారణమై ఉండొచ్చని ప్రాథమికంగా భావిస్తున్నారు. ప్రమాదానికి దారితీసిన పూర్తి కారణాలపై అధికారులు దర్యాప్తు చేస్తున్నారు.
జింబాబ్వే, జాంబియా సరిహద్దులో కరీబా సరస్సు విస్తరించి ఉంది. గ్రామీణ ప్రాంతాల ప్రజలు కరీబా పట్టణానికి రాకపోకలు సాగించేందుకు పడవ రవాణాపై ఆధారపడుతున్నారు. దీంతో ఈ ప్రాంతంలో పడవ సేవలు స్థానికులకు కీలక రవాణా మార్గంగా ఉన్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
