కలుషిత ఆహారం అందించిన కేరళలోని కింగ్స్ బిర్యానీ కేఫ్ యజమానికి పథనంథిట్ట జిల్లా వినియోగదారుల ఫోరం రూ.96,500 జరిమానా విధించింది. బాధితురాలి ఆసుపత్రి ఖర్చులకు రూ.36,500, పరిహారంగా రూ.50,000, కేసు ఖర్చుల కింద మరో రూ.10,000 చెల్లించాలని ఆదేశించింది. ఈ మొత్తాన్ని నెల రోజుల్లోగా చెల్లించాలని స్పష్టం చేసింది.
రీనా థామస్ అనే మహిళ గతేడాది అక్టోబరు 21న తన సోదరితో కలిసి కేఫ్కు వెళ్లి అరేబియన్ బిర్యానీ ఆర్డర్ చేశారు. డెబిట్ కార్డు ద్వారా రూ.740 చెల్లించారు. బిర్యానీ తిన్న తర్వాత రీనాకు వాంతులు, తీవ్రమైన కడుపునొప్పి రావడంతో ఆసుపత్రిలో చేరారు. దాదాపు వారం రోజుల పాటు చికిత్స తీసుకోవాల్సి వచ్చింది.
ఆహారం కలుషితమై ఉండటం వల్ల పేగులకు ఇన్ఫెక్షన్ సోకినట్లు వైద్యులు నిర్ధరించినట్లు ఆమె ఫోరంకు తెలిపారు. ఈ విషయాన్ని కేఫ్ నిర్వాహకుల దృష్టికి తీసుకెళ్లినప్పటికీ వారి నుంచి తగిన స్పందన రాకపోగా, దురుసుగా సమాధానం ఇచ్చారని ఆరోపించారు. దీంతో రీనా థామస్ వినియోగదారుల ఫోరాన్ని ఆశ్రయించారు.
వాదనలు, అందుబాటులో ఉన్న ఆధారాలను పరిశీలించిన అనంతరం వినియోగదారుల ఫోరం బాధితురాలికి పరిహారం, వైద్య ఖర్చులు, కేసు ఖర్చులు కలిపి మొత్తం రూ.96,500 చెల్లించాలని కేఫ్ యజమానిని ఆదేశించింది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
