22ఏ జాబితా అంశంపై భారాస నేతలు ప్రభుత్వంపై తీవ్రస్థాయిలో విమర్శలు గుప్పించారు. హైదరాబాద్లోని కేపీహెచ్బీ ఎన్ఆర్ఎస్ఏ కాలనీలో నిర్వహించిన సమావేశంలో హరీశ్రావు మాట్లాడుతూ.. ప్రజలు ఏళ్ల క్రితం చట్టబద్ధంగా కొనుగోలు చేసిన స్థలాలను 22ఏ నిషేధిత జాబితాలో చేర్చడం వల్ల తీవ్ర ఇబ్బందులు ఎదుర్కొంటున్నారని అన్నారు. భూములపై హక్కులు ఉన్నప్పటికీ వాటిని విక్రయించడం, బ్యాంకు రుణాలకు తనఖా పెట్టడం వంటి ప్రక్రియలు నిలిచిపోతున్నాయని పేర్కొన్నారు.
ప్రభుత్వ భూముల విక్రయాలు, ఎసైన్డ్ భూముల అంశంలోనూ రేవంత్ సర్కారుపై హరీశ్రావు ఆరోపణలు చేశారు. గతంలో ప్రభుత్వం అనుమతులు ఇచ్చి లేఅవుట్లు, ఇళ్ల నిర్మాణాలకు అవకాశం కల్పించిన ప్రాంతాలను ఇప్పుడు మళ్లీ వివాదాస్పద జాబితాల్లో చేర్చడం వల్ల ప్రజలు నష్టపోతున్నారని అన్నారు. ఈ సమస్యపై ప్రభుత్వం తక్షణమే స్పష్టత ఇవ్వాలని డిమాండ్ చేశారు.
కూకట్పల్లి ఎమ్మెల్యే మాధవరం కృష్ణారావు మాట్లాడుతూ.. తన నియోజకవర్గ పరిధిలోని పలు ప్రాంతాల భూములను 22ఏ జాబితాలో చేర్చడంతో స్థానికుల్లో ఆందోళన నెలకొందన్నారు. ప్రజలకు న్యాయం జరిగే వరకు పోరాటం కొనసాగిస్తామని స్పష్టం చేశారు.
మరోవైపు లోక్సత్తా వ్యవస్థాపకుడు జయప్రకాశ్ నారాయణ మాట్లాడుతూ.. ప్రభుత్వ ఆస్తులను రక్షించాల్సిన అవసరం ఉన్నప్పటికీ, ఆ పేరుతో చట్టబద్ధంగా భూములు కొనుగోలు చేసిన ప్రజలను ఇబ్బంది పెట్టకూడదన్నారు. ప్రతి కాలనీ, లేఅవుట్ను విడివిడిగా పరిశీలించి, చట్టబద్ధంగా ఉన్న భూములను 22ఏ జాబితా నుంచి తొలగించాలని సూచించారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
