అన్న మాటను గుర్తు చేస్తోంది రాచకొండ గుట్టల్లో కనిపిస్తున్న ఈ అద్భుత దృశ్యం. చుట్టూ భారీ బండరాళ్లు.. మధ్యలో చిన్నపాటి ఖాళీ.. అందులో వేర్లు పాతుకుని రాయిని చీల్చుకుంటూ పైకి ఎదిగిన ఓ చెట్టు ప్రకృతి సత్తాను చాటుతోంది.
యాదాద్రి భువనగిరి జిల్లా సంస్థాన్ నారాయణపురం మండలం రాచకొండ గుట్టల్లో ఇలాంటి ప్రకృతి అద్భుతాలు పలుచోట్ల దర్శనమిస్తున్నాయి. ముఖ్యంగా సరళమైసమ్మ దేవాలయ పరిసర ప్రాంతంలో రాతి మధ్యలోనే వేర్లు పాతుకుని పెరిగిన ఈ చెట్టు చూపరులను విశేషంగా ఆకట్టుకుంటోంది.
భారీ రాళ్ల మధ్య మొలకెత్తిన ఈ చెట్టు.. కాలక్రమంలో తన వేర్లను విస్తరించుకుంటూ బండరాయిని చీల్చుకుని పైకి ఎదిగింది. ప్రకృతి శక్తి, జీవం పట్ల ఉన్న పట్టుదలకు ఈ చెట్టు ప్రతీకగా నిలుస్తోంది. ఎన్ని అడ్డంకులు ఎదురైనా ఎదగాలనే సంకల్పం ఉంటే దారిని సృష్టించుకోవచ్చనే సందేశాన్ని ఈ దృశ్యం అందిస్తోంది.
రాచకొండ గుట్టల సహజ సౌందర్యానికి ఇలాంటి అరుదైన దృశ్యాలు మరింత ప్రత్యేకతను తీసుకొస్తున్నాయి. దేవాలయ ప్రాంతానికి వచ్చే భక్తులు, పర్యాటకులు ఈ చెట్టును ఆసక్తిగా తిలకిస్తూ ఫొటోలు తీసుకుంటున్నారు. రాతి గుట్టల మధ్య పచ్చదనం పరుచుకున్న తీరు ప్రకృతి ప్రేమికులను విశేషంగా ఆకట్టుకుంటోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
