బ్యాంకింగ్ రంగంలో ఉద్యోగాల కోసం ఎదురుచూస్తున్న అభ్యర్థులకు స్టేట్ బ్యాంక్ ఆఫ్ ఇండియా (ఎస్బీఐ) మరో అవకాశం కల్పిస్తోంది. రెగ్యులర్ ప్రాతిపదికన వివిధ స్పెషలిస్ట్ క్యాడర్ ఆఫీసర్ పోస్టుల భర్తీకి దరఖాస్తులు ఆహ్వానిస్తోంది. ట్రేడ్ ఫైనాన్స్ విభాగంలో మొత్తం 35 పోస్టులు ఉన్నాయి.
ఖాళీల వివరాలు: ట్రేడ్ ఫైనాన్స్ ఆఫీసర్-ఐబీజీ/ జేఎంజీఎస్-I కేటగిరీలో 14 పోస్టులు, ట్రేడ్ ఫైనాన్స్ ఆఫీసర్-ఐబీజీ/ ఎంఎంజీఎస్-II కేటగిరీలో 21 పోస్టులు ఉన్నాయి.
అర్హతలు: సంబంధిత విభాగంలో డిగ్రీతోపాటు అవసరమైన ఉద్యోగానుభవం ఉండాలి. లండన్ ఇన్స్టిట్యూట్ ఆఫ్ బ్యాంకింగ్ అండ్ ఫైనాన్స్ (ఎల్ఐబీఎఫ్) నుంచి ఫారెక్స్ ఆపరేషన్స్లో సర్టిఫికెట్ కూడా కలిగి ఉండాలి. పోస్టును బట్టి అనుభవానికి సంబంధించిన నిబంధనలు ఉంటాయి.
వయసు: జేఎంజీఎస్-I పోస్టులకు 21 నుంచి 30 ఏళ్లు, ఎంఎంజీఎస్-II పోస్టులకు 23 నుంచి 32 ఏళ్లలోపు ఉండాలి. రిజర్వేషన్ వర్గాలకు నిబంధనల ప్రకారం వయోపరిమితిలో సడలింపు ఉంటుంది.
వేతనం: జేఎంజీఎస్-I పోస్టులకు నెలకు రూ.48,480 నుంచి రూ.85,920 వరకు, ఎంఎంజీఎస్-II పోస్టులకు రూ.64,820 నుంచి రూ.93,960 వరకు వేతన శ్రేణి ఉంటుంది.
ఎంపిక విధానం: అభ్యర్థుల అర్హతలు, మెరిట్ ఆధారంగా షార్ట్లిస్ట్ చేసి అనంతరం ఇంటర్వ్యూ నిర్వహించి ఎంపిక చేస్తారు.
దరఖాస్తు గడువు: అర్హత ఉన్న అభ్యర్థులు సెప్టెంబరు 19లోగా ఆన్లైన్లో దరఖాస్తు చేసుకోవాలి. దరఖాస్తు చేసే ముందు పోస్టుల వారీగా విద్యార్హతలు, అనుభవం, వయసు, ఇతర నిబంధనలను అధికారిక నోటిఫికేషన్లో పరిశీలించాలి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
