మహిళల ప్రిమియర్ లీగ్ (డబ్ల్యూఏపీఎల్)కు వరుణుడు వరుసగా రెండో రోజూ అడ్డంకిగా మారాడు. మంగళగిరిలోని ఏసీఏ స్టేడియంలో గురువారం జరగాల్సిన రెండు మ్యాచ్లు వర్షం కారణంగా రద్దయ్యాయి. ఉదయం నుంచి ఎడతెరిపి లేకుండా వర్షం కురవడంతో వైజాగ్ ఫైర్ బర్డ్స్–రాయలసీమ జెన్ స్టార్స్ మధ్య జరగాల్సిన తొలి మ్యాచ్తో పాటు.. అమరావతి ఈ ఛాంపియన్స్–గోదావరి గోల్డెన్ ఈగల్స్ మధ్య రెండో మ్యాచ్ కూడా ఒక్క బంతీ పడకుండానే రద్దయ్యాయి.
దీంతో నాలుగు జట్లకు తలో పాయింట్ లభించింది. రాయలసీమ, అమరావతి, గోదావరి జట్లు ఆరేసి పాయింట్లతో కొనసాగుతున్నాయి. నెట్రన్రేట్లో రాయలసీమ (+0.643) అగ్రస్థానంలో ఉండగా.. అమరావతి (+0.383), గోదావరి (-0.164) తర్వాతి స్థానాల్లో ఉన్నాయి. మూడు మ్యాచ్ల్లోనూ ఓడిన వైజాగ్ ఫైర్ బర్డ్స్ రెండు పాయింట్లతో ఫైనల్ రేసు నుంచి నిష్క్రమించింది.
శుక్రవారం వైజాగ్తో గోదావరి, రాయలసీమతో అమరావతి తలపడనున్నాయి. లీగ్ దశలో ఇవే చివరి రెండు మ్యాచ్లు. వీటిపైనా వర్షం ప్రభావం చూపే అవకాశం ఉండటంతో ఫైనల్ బెర్తులపై ఉత్కంఠ నెలకొంది. రెండు మ్యాచ్లూ రద్దయితే లీగ్ దశలో తొలి రెండు స్థానాల్లో నిలిచే రాయలసీమ, అమరావతి ఫైనల్కు అర్హత సాధిస్తాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
