భారత్ ఎలక్ట్రానిక్స్ లిమిటెడ్ (బెల్) సీనియర్ ఇంజినీర్ పోస్టుల భర్తీకి నోటిఫికేషన్ విడుదల చేసింది. ఒప్పంద ప్రాతిపదికన ఐదేళ్ల కాలానికి మొత్తం 12 పోస్టులను భర్తీ చేయనుంది. ఎలక్ట్రానిక్స్, కంప్యూటర్ సైన్స్, టెలికమ్యూనికేషన్, కమ్యూనికేషన్, ఇన్ఫర్మేషన్ టెక్నాలజీ తదితర విభాగాల్లో బీఈ/బీటెక్ చేసిన అభ్యర్థులు దరఖాస్తు చేసుకోవచ్చు.
అభ్యర్థులకు సంబంధిత ఉద్యోగానుభవం ఉండాలి. డిగ్రీలో జనరల్, ఓబీసీ, ఈడబ్ల్యూఎస్ అభ్యర్థులు కనీసం 60 శాతం, ఎస్సీ, ఎస్టీ, దివ్యాంగులు 50 శాతం మార్కులు సాధించి ఉండాలి. 01-08-2026 నాటికి గరిష్ఠ వయసు 35 ఏళ్లు. రిజర్వేషన్ వర్గాలకు నిబంధనల ప్రకారం వయోపరిమితిలో సడలింపు ఉంటుంది.
విద్యార్హతలు, ఉద్యోగానుభవం ఆధారంగా అభ్యర్థులను రాత పరీక్షకు షార్ట్లిస్ట్ చేస్తారు. రాత పరీక్షలో కనీసార్హత మార్కులు సాధించినవారిని వ్యక్తిగత ఇంటర్వ్యూకు 1:7 నిష్పత్తిలో ఎంపిక చేస్తారు. తుది ఎంపికలో రాత పరీక్షకు 85 శాతం, ఇంటర్వ్యూకు 15 శాతం వెయిటేజీ ఉంటుంది. పరీక్ష, ఇంటర్వ్యూలను బెంగళూరులో ఒకేరోజు నిర్వహించనున్నట్లు బెల్ తెలిపింది. తేదీలను అభ్యర్థులకు ఈమెయిల్ ద్వారా తెలియజేస్తారు.
జనరల్, ఈడబ్ల్యూఎస్, ఓబీసీ అభ్యర్థులు రూ.472 దరఖాస్తు ఫీజు చెల్లించాలి. ఎస్సీ, ఎస్టీ, దివ్యాంగులు, మాజీ సైనికోద్యోగులకు ఫీజు మినహాయింపు ఉంది. ఎంపికైన వారికి నెలకు రూ.50,000 నుంచి రూ.1,60,000 వరకు వేతన శ్రేణి ఉంటుంది. అదనంగా డీఏ, హెచ్ఆర్ఏ, పీఆర్పీ, గ్రూప్ ఇన్స్యూరెన్స్, పీఎఫ్, పెన్షన్, వైద్య, గ్రాట్యుటీ తదితర ప్రయోజనాలు లభిస్తాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews Crime News EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
