రక్షాబంధన్ సందర్భంగా అన్నాచెల్లెళ్ల అనుబంధానికి గుర్తుగా రాఖీలు కట్టడం ఆనవాయితీ. అయితే రాజస్థాన్లోని జైపుర్కు చెందిన ఓ స్వీట్ షాప్ ఈసారి వినూత్న రాఖీని అందుబాటులోకి తీసుకొచ్చింది. కట్టుకోవడమే కాదు.. తినేయగలిగేలా ‘స్వర్ణ బంధన్’ పేరుతో ప్రత్యేక రాఖీని తయారు చేసింది.
జైపుర్లోని ప్రముఖ స్వీట్ షాప్ ‘త్యోహార్’ ప్రతి పండగకు ప్రత్యేకమైన మిఠాయిలను రూపొందిస్తూ ఉంటుంది. ఈసారి రక్షాబంధన్ కోసం డ్రైఫ్రూట్స్తో ఈ ప్రత్యేక రాఖీని సిద్ధం చేశారు. దీనిపై స్వర్ణధూళి, తినదగిన బంగారు రేకులను ఉపయోగించి ఆకర్షణీయంగా తీర్చిదిద్దారు. దీంతో రాఖీకి మరింత ప్రత్యేకత వచ్చింది.
అయితే ఈ రాఖీ ధర మాత్రం అందరినీ ఆశ్చర్యానికి గురిచేస్తోంది. ఒక్క ‘స్వర్ణ బంధన్’ ధర రూ.4,100గా నిర్ణయించారు. స్వీట్ షాప్ యజమాని అంజలి జైన్ ఈ రాఖీని ప్రత్యేకంగా రూపొందించినట్లు తెలిపారు.
అంతేకాదు.. డ్రైఫ్రూట్స్తో మరికొన్ని తినగలిగే రాఖీలను కూడా తయారు చేశారు. వాటి ధరలు రూ.150 నుంచి రూ.250 వరకు ఉన్నాయి. దీంతో ఈ రక్షాబంధన్కు సంప్రదాయ రాఖీలకు భిన్నంగా తినగలిగే రాఖీలు ప్రత్యేక ఆకర్షణగా నిలుస్తున్నాయి.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government Hyderabad India IndianCinema IndiaNews InternationalNews LatestNews MarketUpdate MovieNews News NewsUpdate PoliticalNews shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews Wellness WorldNews
