బిల్లీ జీన్ కింగ్ కప్ ఆసియా-ఓషియానియా గ్రూప్-1 టెన్నిస్ టోర్నీలో భారత్ అద్భుత ప్రదర్శనతో పుంజుకుంది. తెలుగమ్మాయి సహజ యమనపల్లి, జీల్ దేశాయ్ అద్భుత విజయాలతో శుక్రవారం మంగోలియాపై భారత్ 3-0తో ఘన విజయం సాధించింది.
తొలి సింగిల్స్ మ్యాచ్లో జీల్ దేశాయ్ 6-0, 6-0తో ప్రత్యర్థి గంటోర్ను పూర్తిగా ఆధిపత్యంతో ఓడించింది. అనంతరం రెండో సింగిల్స్లో సహజ యమనపల్లి కూడా 6-0, 6-0తో జర్గాల్పై విజయం సాధించి భారత్కు మరింత ఆధిక్యం అందించింది.డబుల్స్లో వైష్ణవి అద్కర్–రుతుజ భోస్లే జంట 6-1, 6-0తో కాంగ్రోజుల్–జర్గాల్ జోడీపై గెలిచి భారత్కు సంపూర్ణ విజయాన్ని అందించింది.
ఈ విజయంతో భారత్ 4 మ్యాచ్ల్లో 2 పాయింట్లతో నిలిచింది. శనివారం కీలకమైన మ్యాచ్లో కొరియాతో భారత్ తలపడనుంది. ప్లేఆఫ్స్కు అర్హత సాధించాలంటే ఈ మ్యాచ్లో గెలవడం అత్యంత కీలకం. అదేవిధంగా ఇతర మ్యాచ్ల ఫలితాలు కూడా భారత్కు అనుకూలంగా రావాలి.ప్రస్తుతం ఇండోనేషియా 4 పాయింట్లతో అగ్రస్థానంలో ఉండగా, కొరియా మరియు థాయ్లాండ్ చెరో 3 పాయింట్లతో తర్వాతి స్థానాల్లో ఉన్నాయి. టాప్-2 జట్లు ప్రపంచ గ్రూప్ ప్లేఆఫ్స్కు అర్హత సాధించనున్నాయి.
Andhra pradesh Andhrapradesh AndhraPradeshNews APNews APPolitics Breaking news BreakingNews BusinessNews ChandrababuNaidu CricketNews CrimeNews Geopolitics governance Government India IndiaNews LawAndOrder Movies Naralokesh News news24 newsalert NewsToday NewsUpdate PoliticalNews PublicSafety shivasakthi ShivasakthiDigital shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews ShivaShaktiUpdates SportsNews Telangana TelanganaNews TeluguNews TrendingNow ViralNews WorldNews
