తక్కువ ఖర్చుతో మెడికల్ విద్యకు టాప్ దేశాల ఎంపికలు

భారతీయ విద్యార్థుల్లో విదేశాల్లో ఎంబీబీఎస్‌ చదవాలనే ఆసక్తి ఇటీవల కాలంలో గణనీయంగా పెరుగుతోంది. దేశంలో సీట్లు తక్కువగా ఉండటం, ప్రైవేట్ మెడికల్ కాలేజీల ఫీజులు అధికంగా ఉండటం ఇందుకు ప్రధాన కారణాలు.ప్రస్తుతం విద్యార్థులు జార్జియా, రష్యా, కిర్గిజిస్థాన్, ఉజ్బెకిస్థాన్, కజకిస్థాన్, బంగ్లాదేశ్, నేపాల్, ఫిలిప్పీన్స్ వంటి దేశాలను ఎక్కువగా ఎంపిక చేసుకుంటున్నారు. ప్రతి దేశానికి తనదైన ప్రత్యేకతలు ఉన్నాయి.

జార్జియా మరియు రష్యా దేశాలు మంచి బోధనా నాణ్యత, క్లినికల్ ట్రైనింగ్, FMGE ఫలితాల కారణంగా ప్రాచుర్యం పొందాయి. తక్కువ ఖర్చుతో చదవాలనుకునే విద్యార్థులకు కిర్గిజిస్థాన్, ఉజ్బెకిస్థాన్, కజకిస్థాన్ అనుకూలంగా ఉంటాయి.ఫిలిప్పీన్స్‌లో ఇంగ్లిష్ మాధ్యమ బోధన ఉండటం పెద్ద ప్లస్ కాగా, అమెరికన్ విధానానికి దగ్గరగా మెడికల్ ఎడ్యుకేషన్ ఉంటుంది. అయితే అక్కడ కోర్సు నిర్మాణం కొంచెం భిన్నంగా ఉంటుంది.

మొత్తం ఖర్చు సాధారణంగా రూ.20 లక్షల నుంచి రూ.60 లక్షల మధ్య ఉంటుంది. దేశం ఆధారంగా ట్యూషన్, హాస్టల్, జీవన ఖర్చులు మారుతాయి.విదేశీ మెడికల్ విద్య కోసం NEET అర్హత తప్పనిసరి. అలాగే ఇంటర్‌లో ఫిజిక్స్, కెమిస్ట్రీ, బయాలజీ తప్పనిసరిగా ఉండాలి. అడ్మిషన్ తర్వాత వీసా ప్రక్రియ పూర్తవుతుంది.భారతదేశంలో వైద్యుడిగా ప్రాక్టీస్ చేయాలంటే తిరిగి వచ్చాక FMGE లేదా NEXT పరీక్షలో ఉత్తీర్ణత సాధించాలి. తర్వాత మాత్రమే రిజిస్ట్రేషన్ సాధ్యం అవుతుంది.సరైన దేశం ఎంపిక చేసుకునే ముందు బోధన నాణ్యత, భద్రత, ఖర్చు, క్లినికల్ ట్రైనింగ్ వంటి అంశాలను జాగ్రత్తగా పరిశీలించడం అవసరం.