అమెరికా స్టాక్ మార్కెట్ చరిత్రలో మైక్రోసాఫ్ట్ సరికొత్త రికార్డు నమోదు చేసింది. టెక్ దిగ్గజం త్రైమాసిక ఆర్థిక ఫలితాలు అంచనాలను మించడంతో కంపెనీ షేర్లకు భారీగా కొనుగోళ్ల మద్దతు లభించింది. దీంతో షేరు ధర ఒక్కరోజులోనే సుమారు 9 శాతం పెరగగా, కంపెనీ మార్కెట్ విలువ దాదాపు 450 బిలియన్ డాలర్లు.. అంటే సుమారు రూ.39 లక్షల కోట్ల మేర పెరిగింది.
వాల్స్ట్రీట్ ట్రేడింగ్ చరిత్రలో ఒక నమోదిత కంపెనీ ఒక్కరోజులో ఇంత భారీగా మార్కెట్ విలువను పెంచుకోవడం ఇదే తొలిసారిగా నిలిచింది. ఈ భారీ ర్యాలీతో మైక్రోసాఫ్ట్.. ఏఐ చిప్ దిగ్గజం ఎన్విడియాను వెనక్కి నెట్టి ప్రపంచంలోనే అత్యంత విలువైన పబ్లిక్ లిస్టెడ్ కంపెనీగా తన స్థానాన్ని తిరిగి దక్కించుకుంది.
ఈ రికార్డు స్థాయి పెరుగుదలకు మైక్రోసాఫ్ట్ అజూర్ క్లౌడ్ వ్యాపారం ప్రధాన కారణంగా నిలిచింది. విశ్లేషకుల అంచనాలను మించి అజూర్ క్లౌడ్ ఆదాయంలో వృద్ధి నమోదైంది. కృత్రిమ మేధ ఆధారిత సేవలకు పెరుగుతున్న డిమాండ్తో క్లౌడ్ విభాగం మరింత బలపడింది.
గత కొంతకాలంగా మైక్రోసాఫ్ట్ ఏఐ మౌలిక వసతులు, డేటా సెంటర్లు, చిప్లు వంటి రంగాల్లో భారీగా పెట్టుబడులు పెడుతోంది. ఈ పెట్టుబడులు భవిష్యత్తులో ఎంతవరకు లాభాలను అందిస్తాయనే సందేహాలకు తాజా ఆర్థిక ఫలితాలు సానుకూల సంకేతాలను ఇచ్చాయి. రాబోయే త్రైమాసికాల్లోనూ ఏఐ ఆధారిత క్లౌడ్ సేవలకు డిమాండ్ బలంగా ఉంటుందని కంపెనీ అంచనా వేస్తోంది.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
