ప్రకాశం జిల్లా మార్కాపురంలో ప్రైవేట్ ట్రావెల్స్ నిర్లక్ష్యం పరాకాష్ఠకు చేరింది. ప్రయాణికుల ప్రాణాలతో చెలగాటం ఆడుతున్న ఒక ప్రైవేట్ బస్సు ఉదంతం ఇప్పుడు తీవ్ర చర్చనీయాంశమైంది.
ఏం జరిగిందంటే? మార్కాపురం నుంచి బెంగళూరుకు ఆదివారం రాత్రి బయలుదేరాల్సిన శ్రీ లక్ష్మీనరసింహ ట్రావెల్స్ బస్సు ముందు అద్దం (Windshield) పూర్తిగా పగిలిపోయి ఉంది. రాత్రిపూట సుమారు 500 కిలోమీటర్ల ప్రయాణం చేయాల్సి ఉండగా, 36 మంది ప్రయాణికులు ఆ బస్సును చూసి హడలిపోయారు. “అద్దం లేకుండా అంత దూరం ఎలా వెళ్తారు?” అని నిలదీస్తే, డ్రైవర్లు మస్తాన్, రసూల్ ఇచ్చిన సమాధానం విని ప్రయాణికులు షాక్కు గురయ్యారు. “అద్దం లేకపోతే ఏంటి? మేము హెల్మెట్లు పెట్టుకుని డ్రైవింగ్ చేస్తాం” అంటూ వారు వెటకారంగా, బాధ్యతారహితంగా బదులిచ్చారు.
పోలీసుల ఎంట్రీ: డ్రైవర్ల తీరుపై ఆగ్రహించిన ప్రయాణికులు బస్సు ఎక్కేందుకు నిరాకరించారు. అదే సమయంలో బస్సు ఇంజిన్ నుంచి కూడా వింత శబ్దాలు రావడంతో ప్రమాదాన్ని శంకించిన ప్రయాణికులు నేరుగా పట్టణ పోలీసు స్టేషన్లో ఫిర్యాదు చేశారు. పోలీసులు రంగంలోకి దిగి విచారణ చేపట్టగా, ఆ బస్సు రెండు రోజుల క్రితమే ఒక ప్రమాదానికి గురైందని తేలింది. కనీస మరమ్మతులు చేయకుండానే, అద్దం కూడా లేకుండా ప్రయాణికులను తీసుకెళ్లేందుకు సిద్ధపడటంతో పోలీసులు ఆ బస్సును సీజ్ చేశారు.
ప్రయాణికుల అప్రమత్తత వల్ల ఒక పెద్ద ప్రమాదం తప్పిందని స్థానికులు ఊపిరి పీల్చుకున్నారు.
Andhra pradesh Andhrapradesh APNews BreakingNews Breaking news BusinessNews CricketNews CrimeNews EducationNews EntertainmentNews Geopolitics Government India IndianCinema IndiaNews InternationalNews LatestNews MarketUpdate MovieNews News NewsToday NewsUpdate PoliticalNews PublicSafety shivasakthi shivasakthienterprises shivasakthimedia shivasakthi net shivasakthinet shivasakthi news shivasakthinews ShivaSakthiUpdates ShivaShaktiMedia ShivaShaktiNews SportsNews StockMarket TechNews Telangana TelanganaNews TeluguCinema TeluguNews Tollywood TrendingNews ViralNews WorldNews
